梁思浩《命運解惑師》錄得與鬼對話詭異小孩+惡男聲嚇到想擲耳筒

更新於 20小時前 • 發布於 20小時前

藝人梁思浩因主持靈異節目獲封「亞洲鬼王」，而「鬼王」在上周六(26日) 播出的一集中發生了疑似靈異事件，震驚三位主持，就連聽眾亦留言聽到「毛管戙」。

Phone-in女聽眾講家人疑鬼上身

上周六（26日）播出的第21集《命運解惑師》，除了思浩和黎莉兩位主持，還有法銘師傅在場，有女聽眾透露胞弟被鬼上身，家人找過很多師傅和牧師都幫助不了，她形容「依家佢直情唔係我細佬」…..該名女聽眾分享期間，電話裡頭不停聽到有小朋友嬉戲及一把長者低聲談話的聲音，但談話的語言卻聽不明白，思浩便一臉嚴肅問該女聽眾：「你身邊有冇兩個細路仔同老人家喺到？」女聽眾好肯定回答：「冇！」

出現多3把聲網民留言：毛管戙

思浩聽到答案後嚇得瞪大雙眼，他續問：「你每次講到緊要嘢時，都有條線受到干擾，有個女人喺到講嘢，又有小朋友喺到講嘢，我諗好多聽眾都聽到，即係你條聲裡面，出現多咗三把聲。」女聽眾聞言亦嚇到聲音顫抖，但她堅持謂：「我已經企喺角落頭，同埋我身邊冇任何人。」由於事出突然，思浩即要求法銘師傅為女聽眾「解決」。節目播出後，思浩將節目分享到個人社交平台，引來不少網民留言，「我都聽到個背景細路仔聲，哇，我還以為個女士屋企細路仔喺旁邊」、「聽到好多次聲音干擾，當時毛管都戙起，一開頭我以為自己聽錯，原來係真的」、「我一路聽個頭好痛，收咗線就立即無頭痛」。

詭異小孩聲空洞幽怨惡男似在恐嚇

事後，主持黎莉今天回應時表示：「當時淨係覺得點解周圍咁嘈，直至思浩喺節目問佢身邊有冇人，跟住就好驚!!! 小朋友用唔明白嘅語言講野，已經令我寒一寒，果把男人聲有啲惡，好似同我哋講:唔好咁多事! 嚇到我想立即擲耳筒!!」。問黎莉做節目時可有佩帶護身符？她稱：「⁠我每次做節目都會戴住平安頸鏈，同埋本身都有一條六字大明咒嘅手串。」黎莉又透露過往曾在節目上遇過靈異事件，嚇得她個心離一離，但都要保持冷靜，她說：「我相信眾生無處不在，但都要心存尊重，同埋如果係自己嘅冤親債主，就多加行善同回向（法師同思浩都不斷提我），都希望可以解孽障。」