日本必去：【日本特別女僕Cafe！65歲奶奶化身萌女僕！每個月只開2小時！施魔法、賣萌、撒嬌一條龍服務！】

日本必去｜65歲女僕Cafe-冥土喫茶

試諗下，如果有一班65歲以上嘅「女僕」，充滿元氣咁迎接你，你會唔會都好想體驗下？日本有間另類女僕Cafe「冥土喫茶」，每個月只開兩小時，已經引爆熱烈討論！店員們全部都有年齡限制，最少要65歲以上！同其他女僕cafe一樣，奶奶們除咗會施魔法，仲會賣萌撒嬌，吸引咗唔少年輕人一齊嚟玩！最特別嘅係，店舖以生死為主題，入面有好多小細節。例如門口用藍色繩索模仿「三途之川」，廁所仲叫做「極樂淨土」，以輕鬆有趣嘅方式呈現生死話題。呢間「女僕」cafe，真係帶畀大家唔同嘅體驗，唔單止係飲飲食食咁簡單，仲係一個關於生命、關於老去、關於回憶同開心嘅地方，小編如果有機會去日本都想體驗下～

▲日本有間女僕咖啡店最近引起唔少人講，呢間店每個月只開一次，營業時間仲淨係得兩個鐘，究竟係咩咁吸引人？

▲佢唔單止係一間普通嘅女僕咖啡店，而是專門為長者設立，不過除咗高齡者客人，仲吸引咗唔少年輕人一齊嚟玩！

▲女僕們也有年齡限制，必須大過65歲。菜單上有低卡路里「冥土便當」同埋各種飲品，當女僕上菜時，會用好可愛嘅魔法咒語同你講：「喪え喪えきゅん，祝你食得開心！」佢哋仲會賣萌同撒嬌。

▲店舖以生死為主題，入面有好多小細節。例如門口用藍色繩索模仿「三途之川」，廁所名為「極樂淨土」，到處都係搞笑嘅小巧思，另外還有「棺材體驗」等不定時活動，讓長者同家人都可以用坦然心態去面對生老病死。

冥土喫茶しゃんぐりら

地址：群馬縣桐生市本町5丁目
時間：每個月第一個星期六，08:00-10:00

文字：香港人遊香港 / 圖片：X@ArikaHikaru、ACE_GUNMA