【Note 12 Pro+ 5G評測】中階機相機皇者 破格兩億像素主鏡頭 丨重新定義中階機相機規格 Note 12 Pro+ 5G #小米 #紅米 #Redmi #Note12Pro+

又黎到Z世代達人嘅時間啦~ 紅米近日就推出左Note 12 Pro+5G呢部手機，官方宣稱呢部手機會係Note 12系列入邊，擁有最強大嘅相機系統，今日我地就一齊開箱睇睇啊~
Note 12 Pro+ 5G外形同以往Note 12 系列嘅手機好相似，以簡約風格為主，背部亦都會採用拋光玻璃材質。
Note 12 Pro+ 5G配備6.67 吋 Flow AMOLED 屏幕 ，支援旗艦級120HZ螢幕刷新率。
而Note 12 Pro+ 5G嘅處理器就會採用 聯發科技嘅天璣1080，支援5000mAH大電池以及120W HyperCharge，官方亦都宣稱，HyperCharger呢個功能可以喺19分鐘之內，將手機充電到100%
好啦~ 到左Note 12 Pro+ 5G主打嘅影相功能，Note 12 Pro+5G 設有2億像素主鏡頭，支援OIS光學防手震功能，同埋仲有一個800萬像素超廣角鏡頭以及200萬像素嘅微距鏡頭
你地無聽錯啊，Note 12 Pro+ 5G真係會有2億像素嘅鏡頭同埋OIS光學防手震功能，以Note 12 Pro+ 5G嘅價位都有以上只有旗鑑機先有嘅規格，真係比到驚喜我啊~
現在我就即刻試試Note 12 Pro+ 5G嘅影相效果比大家睇睇啦~
首先會試試主鏡頭嘅影相表現，喺兩億像素鏡頭嘅加持下，影出黎嘅相效果當然非常好啦。
成張相嘅色彩處理，細節保留度都有相當唔錯嘅表現，可以話同現今嘅旗鑑機相差無幾
放大左張相之後嘅物件邊緣虛化以及雜訊處理亦都表現得相當唔錯，而且仲唔會有油畫化嘅情況出現添。
等我又試多幾張比大家睇睇啦~
之後我就會試下Note 12 Pro+ 5G嘅超廣角鏡頭，超廣角鏡頭影出黎嘅相當然就無主鏡頭咁清啦，但係相片整體都好自然，唔會有魚眼嘅情況出現。
相片嘅細節保留度以及物件邊緣虛化處理亦都算係中規中距。
到左微距鏡頭方面，Note 12 Pro+ 5G對焦速度好快，影出黎相嘅細節保留度亦都唔差~ 過關啦
Note 12 Pro+ 5G嘅主鏡頭設有特大感光元件，而且官方仲宣稱Note 12 Pro+ 5G嘅強大相機系統，可以喺昏暗環境下提升光線補捉接近159%咁多
咁Note 12 Pro+ 5G夜拍效果又會係點呢?
Note 12 Pro+ 5G喺夜拍模式下影出黎嘅相，因為特大感光元件嘅加持下，令到成張相片嘅亮度都好足夠，相片入邊嘅細節保留度亦都唔差
放大張相黎睇，物件邊緣虛化以及雜訊處理我就覺得收貨有餘啦~
等我又影多幾張比大家睇睇先~
Note 12 Pro+ 5G 會有3種顏色，分別係午夜黑，極地白及以天空藍，會提供8GB RAM + 256 GB ROM版本，建議零售價會係HK$2999
有興趣嘅朋友，可以到小米官方網站了解詳情~
希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~