戴維斯十字韌帶撕裂經理人：原本計劃對美國不會踢正選

拜仁左閘阿方素戴維斯經理人Nedal Huoseh發表聲明就話「我真係好失望，因為戴維斯對住墨西哥比賽之後已經有啲受傷，原本計劃佢唔會係對住美國比賽踢正選。我覺得戴維斯係因為教練比壓力先至踢正選，因為戴維斯唔係輕易會”Say No”嘅人🫠。」

呢位經理人又話「我覺得加拿大教練馬殊可以更好處理呢個情況，呢件事可以100%避免。事實上，執教加拿大國家隊之前，馬殊曾經教過最高水平職業球隊（教過萊比錫、列斯聯），佢好清楚當球員話比你聽踢唔到嗰陣，你就唔應該冒險。我覺得國家隊需要更好保護球員，而拜仁醫療團隊會照顧好戴維斯🥲。」

根據The Athletic消息，戴維斯係加拿大對美國比賽因傷被換下之後，最後選擇行去場邊協助教練馬殊指揮球隊，期間見唔到任何痛苦表情或者意識到今次受傷嘅嚴重性。而加拿大團隊同戴維斯、馬殊等人已經係星期一朝早離開洛杉磯，全隊上下都覺得戴維斯受傷無需過分擔心🙃