日本自由行：【日本期間限定！明治Meiji士多啤梨朱古力變奏甜品】- saint marc cafe

更新於 03月29日17:05 • 發布於 03月29日09:05 • 香港人遊香港

日本自由行｜日本連鎖Cafe店 saint marc cafe X 日本明治士多啤梨朱古力推限定甜品

兩層士多啤梨朱古力是不少人的童年零食，最近日本連鎖Cafe店就同明治合作推出一系列的明治士多啤梨朱古力主題食品，當中包括超人氣的牛角酥，粉紅色嘅士多啤梨味麵團內裡竟然暗藏住濃郁朱古力，再加埋酸酸甜甜嘅士多啤梨醬，而且仲有明治士多啤梨朱古力喺入面，咬落去一層層口感，香脆又滿足，呢款真係必食！除此之外，仲有用上福岡縣產的甘王士多啤梨製作嘅士多啤梨朱古力牛奶昔和冰沙。甜品控仲可以試埋明治士多啤梨朱古力芭菲，用酸甜士多啤梨醬同濃郁朱古力醬打造嘅視覺甜品，芭菲分成上下兩層，有粒粒果肉，食落酸酸甜甜。呢間日本連鎖Cafe店全日本都有，剛好到日本自由行的朋友不妨試試！

▲ 朱古力牛角酥：粉紅色嘅士多啤梨味麵團內裡竟然暗藏住濃郁朱古力，再加埋酸酸甜甜嘅士多啤梨醬，而且仲有明治士多啤梨朱古力喺入面，咬落去一層層口感，香脆又滿足。

▲ 士多啤梨朱古力牛奶昔和冰沙：用上福岡縣產的甘王士多啤梨製作，設有兩款口味俾大家選擇！

▲ 明治士多啤梨朱古力芭菲：用福岡縣產嘅甘王士多啤梨炮製出嚟嘅酸甜士多啤梨醬，淋係滑溜溜嘅奶油上面，真係散發住濃濃嘅士多啤梨香。

▲ 呢間日本連鎖Cafe店全日本都有，剛好到日本自由行的朋友不妨試試！