阿朗素帶領利華古遜連續27場德甲作客比賽保持不敗

利華古遜作客0:0打和禾夫斯堡，利華古遜教練沙比阿朗素接受賽後訪問就話「我滿意球隊表現，只係最後未能贏波。我唔會過分留意積分榜，我哋目標就係下星期擊敗拜仁慕尼黑，呢場將會利華古遜主場進行，我哋到時會有主場球迷支持，而球隊有成個星期時間去準備呢場比賽🙂。」

之後被問到點解德國🇩🇪中場域斯今場無得踢正選，呢位西班牙🇪🇸教練就話「我嘅工作通常就係比賽之前作出決定，我對於今次決定並唔後悔。我成日都希望域斯留係球場上，但都要理解佢需要休息。事實上，域斯係下半場表現幾好😎。」

而利華古遜隊長夏迪奇講到嚟緊對住拜仁，呢位芬蘭🇫🇮龍門表示「我哋落後拜仁8分，而縮窄距離並唔容易。我覺得如果我哋下星期無辦法擊敗拜仁，咁就幾乎可以放棄去爭今季德甲冠軍😪。」