日本 AEON 用AI「微笑君」訓練員工微笑 香港駛唔駛引入？

日本嘅服務行業中以對顧客親切同禮貌而聞名，員工面對顧客時通常都會面帶微笑，等客人有賓至如歸嘅感覺。而為咗展示更好嘅服務態度，AEON 連鎖超級市場甚至引入 AI 微笑監測系統「微笑君」（スマイルくん）嚟評估員工嘅笑容，用以提升員工笑容同問候質素。

根據 AEON 嘅報告，他們引入咗由軟體公司 InstaVR 提供嘅「微笑君」系統，等員工透過遊戲方式改善自己嘅笑容和語調。由 2023年7月起，AEON就已經喺全國8間分店進行了為期3個月嘅實驗，系統利用超過450個元素，包括面部表情、音量和問候語氣等，為店員服務態度評分。系統融入咗遊戲元素，店員可以通過參與小挑戰或遊戲來爭取分數。

而試驗結果得出，員工向顧客展示笑容和問候的比例比之前提升咗大約1.6倍。呢一個改善成果促使公司決定喺全國240間分店擴展「微笑君」嘅應用，以達到標準化全公司嘅笑容和語調水平，進一步提升服務質素。

但係日本 AEON 呢個行為就引起咗爭議，有反對者覺得笑容係應該自然真誠咁表達，員工嘅笑容同服務態度唔應該好似商品咁被標準化。更加有調查指出，「標準」嘅笑容，反而會對顧客做成騷擾同壓力。不過日本 AEON 就冇有怕，表示會繼續推行計劃，希望能為顧客提供更好嘅購物環境同體驗。

唔知香港又有冇店舖需要「微笑君」幫手呢？計我話，其實都唔駛一定要笑，香港啲餐廳唔好客人都未坐低就話限時90分鐘，8點鐘就last order，我就已經好開心了~

▼Follow GadgetGang HK
YouTube: https://www.youtube.com/@GadgetGangHK
Instagram: https://www.instagram.com/gadgetganghk/