Edan建議妹妹偕黃正宜拍相睇節目 阿正盼跟Jeremy傳緋聞

呂爵安（Edan）及黃正宜（阿正）今天（6日）以「老best」組合，到旺角出席飲品宣傳活動，2人首次拍住上出席活動，阿正笑言不慣，很想搶司儀位置訪問Edan，最近廣告及活動工作接踵而來的阿正，被Edan指搵好多又搬屋租靚樓，阿正即反擊，否認近年豬籠入水，她說：「係個市靜咗好多，覺得可以再忙啲，搬屋只為方便返工，係寫就寫大啲，幾萬呎，大到可以養條海豚叫Dolly。Edan仲多，生活無憂，叫外賣唔使睇價錢，但很少『萬歲』，『萬歲』畀自己多。」

2人在綜藝節目《膠戰》認識，轉眼間已5年，強調從來沒有嗌交，阿正稱覺得最恐怖是第一季在節目慶祝28歲生日，現在Edan都已經28歲，她說：「我覺得他比以前成熟及沉默寡言。」問獨欠愛情的她，可曾喜歡過Edan？她即反應甚大：「點會呀？」Edan笑指阿正沒有喜歡他這麼簡單，而是迷戀到沉船，他亦曾想過介紹中學同學給阿正認識，但想深一層又未必適合對方，阿正說：「冇介紹過，咁多年都係得把口，相都冇睇過。」

Edan建議阿正聯同妹妹「小如豬」（呂蕙如）拍相睇節目，去不同國家認識男士，問阿正情傾哪個國家男子？她即道：「朴寶劍是我夢中幻想老公，還有孔劉，都好想同Jeremy（李駿傑）去旅行拍節目，經常跟他說，我們是時候傳緋聞了。」問寧願和Jeremy傳緋聞，也不肯和Edan傳，是否因Edan有緋聞女友林明禎？她說：「不是呀，這樣不能Chok我，我們是老best。」

對於網民熱議質疑參加《全民造星》簽約後無出路，Edan認為這一行要看時勢和很多因素影響，加上市道不太好，絕對不是穩定職業，他說：「我當初簽約都是等一個機會表現給大家看，希望之後有更加多機會，我覺得都需要時間，去展露不同面向，令大家慢慢認識，才能有之後的機會。」

（即時娛樂）