梅斯亞最近接受訪問：「上年歐國盃輸西班牙，我用左一段時間先至平復心情」

🚨拜仁中埸梅斯亞拿最近接受了GQ Germany訪問，當中講到上年歐國盃「我用左一段時間先至可以平復心情，當時如果係我哋得到12碼，最後結果會點樣呢？用太多時間諗返轉頭都係無咩意義，我已經無辦法改變結果，而我哋會努力係下次大賽令自己重返巔峯😎。」

💬梅斯亞拿表示「我相信自己係每個範疇都可以再進步，每次進步都可以幫助我成為更好球員，無論係頭槌、體能定係用左腳射波，我都會努力提升，就算係有啲我已經幾擅長嘅範疇😉。」

👬梅斯亞拿又話「球隊入面同我最親近嘅朋友一直都係錫克斯、利萊辛尼同埋阿方索戴維斯。另外，我係英格蘭踢波嗰陣仲有啲友誼去到今時今日仍然存在，並且對我嚟講都係好重要🙂。」

🔴梅斯亞拿最後就話「隨住累積唔同經驗，無論作為一個人定係球員，你都會成長，你都需要承擔更多責任，所以我知道出面對我嘅要求的確有所提高，但我留意到周圍隊友都會幫助同埋支持我，而我嚟緊將會繼續堅持自己比賽風格🤓。」

▼Follow足球仁
Instagram: https://www.instagram.com/football_yern/