普通話男隨處小便被正義男喝止　呼叫「我喝多了兄弟」網民：真係好核突

有網民日前在Threads上載影片，指一名男子在街頭隨處小便，被途人當場斥責。片中可見，一名穿短褲的中年漢發現該男子當街便溺後，憤怒指罵：「你喺度屙尿！」男子被揭發後仍企圖辯解，甚至一度抬腳疑似想踢人，最後急忙拉着未扣好的皮帶逃走。

事件發生時，有網民拍下全程並留言：「你老X，諗住望下海，結果見到有人喺度屙尿。」影片中見，中年漢在垃圾桶旁指着男子質問，對方邊跑邊用普通話回應：「我喝多了，兄弟」中年漢則繼續怒罵：「有冇搞X錯呀？屙完尿仲喺度走！」

帖文隨即引起大量網民議論，不少人批評男子行為「無文化」：「香港周街都有廁所，點解要周街屙尿？」、「個廁所後面唔到30秒路程」、「俾人揭發仲想踢人，好核突，有冇人識佢，勸下佢啦」；亦有人讚賞中年漢見義勇為：「黑衫叔叔好波，夠膽出聲！」、「香港要多啲呢啲人。」