配對女神梁敏巧自爆黑圖　曾在快餐店打工指有同事偷𥄫換衫

30歲梁敏巧(Maggie)因參演TVB真人騷《女神配對計劃》而人氣爆發。不過早前她就在IG分享年輕時做暑期工的相片，被粉絲指自爆黑圖。而當中更提到當年打工經歷，還曾被同事偷看換衫及在回家路上被跟蹤。

梁敏巧上載一張身穿連鎖快餐店制服的相片留言：「開學第一個禮拜，等我核彈式分享下我人生第一份暑期工，就係大快活！😝😝我嗰期應該係興做Uniqlo定hollister，但我都係去做大快活，我係寫做樓面嘅，但後尾經理要我做收銀，所以一半樓面一半收銀。點解我想做呢？因為我覺得好有趣，好睇到人生百態，有中年男人比人炒嚟打躉扮返工，有幾個老人家當呢到係社區會堂好開心，亦都有同年齡小朋友離家出走唔肯返屋企，試過送碟魚蛋比個老人家佢感動落淚。」

不過她亦遇到變態同事：「我喺員工專換衫嘅地方換衫，比男同事偷𥄫，男同事比啲姨姨同事鬧到飛起，然後個男同事仲要跟我返屋企(嗰陣住沙頭角禁區所以唔怕🤣)亦試過收錯錢要倒貼返，結果我白做仲要倒貼。」
至於被指自爆黑圖，她亦有回應：「講真對比之前嗰啲，呢張真係小兒科到不得了。」