海港城維港美酒盛宴！【6間人氣餐廳限定菜單＋維港無敵景觀】

愛玩小生👦🏻話比大家知，海港城同捷成酒業今次聯手舉辦「Sip & Savour by the Harbour」美酒盛宴！活動由2025年9月17日到10月23日，以維港日落做背景，集合全球精選靚酒同清酒，仲有六間人氣餐廳推出期間限定配對菜單，帶大家展開一場味覺同視覺嘅雙重享受～

今次參與嘅餐廳包括八十里、个園竹語、日山、沐瀾、Paper Moon同王子飯店，菜式由日本料理、意大利菜到中菜都有，每間都同國際級酒莊合作，設計出獨一無二嘅美酒配對餐單，等大家一路望住維港靚景，一路細味佳餚美酒。

重點推介：
▸ 八十里 × Domaine Chanson（法國勃艮第）
六道菜葡萄酒晚餐（HK$888/位）將滬川風味搭配百年名莊佳釀，仲可以一邊欣賞270度維港景致，真係好chill～

▸ 个園竹語 × Escudo Rojo（智利邁波谷）
黃昏品酩體驗（HK$298/位）用淮揚菜配智利赤霞珠，試到法式釀酒工藝同南美風土嘅完美結合。

▸ 日山 × 仙禽（日本櫪木縣）
清酒晚宴（HK$1,288/位）由百年清酒廠搭配日式料理，以「Return to Edo」概念玩轉傳統同創新，好有驚喜！

▸ 沐瀾 × Bollinger（法國香檳）
五道菜「鮑參翅肚燕」香檳宴（HK$348/位）將粵式珍饈同皇室御用香檳結合，中西合璧夠晒奢華。

▸ Paper Moon × 捷成精選葡萄酒系列
意式盛宴（HK$1,188/位）帶你遊覽新舊世界葡萄酒產區，用多款頂級佳釀配經典意大利菜，意粉控必試！

▸ 王子飯店 × Astrolabe（新西蘭馬爾堡）
黃昏品酩體驗（HK$380/位）由莊主親自帶隊，探索新西蘭長相思白葡萄酒同粵菜嘅清新配搭。

成個活動長達六個星期，唔單止可以試到精心設計嘅配對菜單，仲可以深入了解唔同產區嘅風土同釀酒文化，一路歎美食一路睇維景，真係好寫意～

-------

iPlayHK 香港愛玩生於2014年設立，自媒體網站年均瀏覽量超過300萬，被FeedSpot選為香港Top 70 博客。愛玩小生抱著「讓生活多一點歡樂」，分享最新香港玩樂、飲食好去處。此外，愛玩小生亦分享特別的旅遊景點、優惠，希望將最真實的資訊用文字、圖片及短片，分享給大家呀！

🔰更多香港好去處活動介紹︰www.iPlayHK.com
🔖歡迎工作聯絡︰hello@iplayhk.com
💁🏻‍♂️跨平台覆蓋：網站、新聞app、Instagram、Facebook、手機推送等