甘美治：拜仁出現思想問題 無法保持90分鐘飢餓感

雖然拜仁琴日4:3擊敗基爾，但過程中相當嚇人，由領先4:0變成迫對手追成4:3，去到比賽尾段可以用「發夢」嚟形容，成隊都好唔集中，幾位球員接受訪問都講到球隊表現😶

1️⃣德國🇩🇪龍門紐亞

「我哋長時間踢得幾好，但去到比賽尾段做咗太多錯誤決定，我哋應該要堅持球隊計劃去到最後，不過我哋都拎到3分，呢樣係最重要。」

2️⃣德國🇩🇪中場甘美治

「我覺得球隊唔係出現實力問題，而係出現思想上問題。我哋唔可以失去準則，否則我哋只係一隊普通球隊，呢樣會令我哋面對任何球隊都會好脆弱。」

3️⃣英格蘭🏴󠁧󠁢󠁥󠁮󠁧󠁿哈利簡尼

「雖然比賽尾段有啲緊張，但球隊都係完成任務，拎到寶貴3分。我哋二月份有好多艱難比賽，就好似些路迪、利華古遜、史特加、法蘭克福等，所以一定要做好準備同埋齊心協力。」

4️⃣德國🇩🇪中場梅斯亞拿

「我諗無咩邊個對於主場以4:3比數贏波而覺得開心，我哋一定要堅持90分鐘比賽心態同埋避免失波。」

5️⃣葡萄牙🇵🇹中場柏連拿

「比賽最後階段有啲奇怪，我哋本身就想保持零失球，但比賽最後階段變到有啲瘋狂，不過最緊要都係贏波同全取三分。」

▼Follow足球仁
Instagram: https://www.instagram.com/football_yern/