消息指，車路士希望加快簽入多蒙特翼鋒基頓斯

💥根據德國天空體育消息，車路士希望加快簽入多蒙特翼鋒基頓斯，而基頓斯希望今個夏天離開多蒙特，並且已經同車路士就7年長約達成一致。多蒙特方面希望收返 6500萬歐羅轉會費（包括流動條款），而且唔願意係價錢方面讓步。不過，兩間球隊最近談判開始有進展，呢單轉會越嚟越接近達成一致😉

🎯根據圖片報消息，隨住基頓斯即將離隊，多蒙特都開始去搵代替基頓斯嘅合適人選，多蒙特已經將PSV燕蒙芬🇧🇪翼鋒巴卡約高、博洛尼亞🇨🇭翼鋒尼杜耶同埋葉士域治🏴󠁧󠁢󠁥󠁮󠁧󠁿赫捷臣列入簽人候選名單

💣消息又指多蒙特上個球季開始已經對巴卡約高有興趣，多蒙特密切留意住巴卡約高情況，並且係最近幾個星期同巴卡約高經理人積極討論，確認咗對巴卡約高有一定興趣，呢單轉會值得多蒙特球迷留意👀