利華古遜教練坦哈格希望格列沙加留隊

利華古遜中場格列沙加之前參加哥哥係巴素利告別儀式曾經講過「一個沙加離開，但另一個沙加好快就會返嚟。」，呢句說話令人覺得格列沙加有可能今個夏天重返巴素利。不過，沙加就係最近訪問就話今個夏天重返巴素利並唔現實😶

根據德國傳媒Sport1記者Felix Kunkel消息，雖然格列沙加同利華古遜合約去到2028年夏天，而且沙加本人同佢嘅屋企人都覺得係利華古遜幾幸福，但沙加對於自己未來仍然保持開放態度😉

根據德國天空體育記者Florian Plettenberg消息，利華古遜同教練坦哈格都希望格列沙加可以留低，因為沙加被認為係球隊重建嘅重要部分。事實上，沙加從未主動要求離開利華古遜，呢位瑞士🇨🇭球員同利華古遜保持良好關係，並且互相尊重。除非收到合適報價，沙加先至會考慮轉會，而加拉塔沙雷同AC米蘭均都曾經問過沙加情況🙂