【開學】林芊妤孕儍 丟掉兒子100頁暑期作業 彥彥反應令人心痛 事件如何解決？
暑假結束，小朋友重返校園，第一件「大事」是交暑期作業。然而，對藝人林芊妤（Coffee）而言，這個開學日卻成了一場災難。她在社交媒體上分享，誤將兒子彥彥辛苦完成的100頁暑期作業當成舊書扔掉，讓兒子在開學前一刻面臨無功課可交的窘境。
Photo from IG@coffee89921
引發媽媽災難
懷着第二胎的Coffee，可能受「一孕傻三年」影響，引發這場「媽媽災難」。Coffee解釋，暑假初期，彥彥已乖巧地完成暑期功課，Coffee亦完成檢查，之後彥彥很有手尾，把暑期作業收在放置小一書本的書櫃裏。
暑假尾聲，Coffee在兒子房間大掃除，心想既然升上小二，小一的書本和作業便可以丟掉，她說：「點知我連檢查都冇檢查，就連埋做完嘅暑期作業都一齊掉埋。」臨開學前，母子收拾書包時，方發現暑期功課被掉，彥彥非常傷心，一來辛苦完成的心血自費了，二來害怕被老師鬧。
Photo from IG@coffee89921
兒子反應令人心痛
Coffee內心充滿了內疚：「我都勁自責，本身已經係大頭蝦，再加上大肚婆真係會特別大懵同埋蠢，我呢排已經係咁做埋啲傻嘢，今次仲要連累埋個仔，好唔開心呀！！！！我點解會咁架？！真係最怕有個豬隊友媽媽⋯⋯⋯⋯⋯⋯⋯⋯」
最讓她心痛的是，兒子彥彥並沒有大吵大鬧，反而好明白事理，只是扁着嘴擔心被老師責罰，Coffee不禁問：「比着如果係你哋，咁樣掉咗你哋嘅暑期功課係咪會好憎阿媽？」
Photo from IG@coffee89921
母子共同面對錯誤
這場「媽媽災難」很快引起網民的共鳴。許多人安慰她，懷孕期間「大懵」很正常，不必過度自責。他們認為，這件事的重點並非功課被丟，而是Coffee與兒子共同面對錯誤的態度。網民建議：「個人覺得個結果係點唔係重點，而係你同仔仔點樣一齊去面對呢個錯誤，大家一齊學習承擔、交代，一齊去計劃下次點樣做得好啲」、「冇事嘅，同老師解釋返就得，唔好睇到件事咁大，總有方法解決，放鬆啲」、「下次開咗學先執舊書去掉，我自己係咁。因為唔知有咩書又會要返，開咗學穩定晒再掉都未遲呀！」
Photo from IG@coffee89921
事件後續發展
之後Coffee再更新事件，事發一刻，她曾想逃避責任，不讓兒子知道是她丟掉了功課，但擔心彥彥不開心，影響睡眠，於是鼓起勇氣坦白承認，「（我）同佢好真誠咁講咗對唔住，再寫咗封信俾佢今日交返學校俾新老師，跟住今朝一早7點幾我就打電話返學校，親自同老師解釋咗同say sorry，老師都好明白事理話唔緊要叫我唔好太自責，做晒就ok反正個學習過程先係最緊要。」
為免再發生同類事件，Coffee跟兒子作事後檢討，兒子表示：「我下次會將暑期功課擺定係書包入邊，再寫紙貼住提你唔好掉咗我啲功課。」Coffee亦承諾「以後會食少啲蝦唔好再做大頭蝦」，笑言有一個「懵」的媽媽，反而能培養出一個更聰明、更有責任心的孩子。
Photo from IG@coffee89921
網民讚Coffee：「你主動同個仔承認錯誤+親自同老師道歉，對你個仔嚟講係一個好好嘅role model，咁樣佢第時做錯事，先會有勇氣承認錯誤，為自己嘅行為負責。每個人都唔係聖人，都有犯錯嘅時候，犯錯之後有一個好嘅態度面對錯誤係好多人一生嘅課題。」
Text：Mami Editorial