「女神」梁敏巧貼黑圖 憶快餐店工作經歷 被男同事偷𥄫換衫

梁敏巧（Maggie）因參加無綫真人騷《女神配對計劃》而人氣急升，昨天（6日）Maggie在社交平台貼出一張曾在連鎖快餐店工作舊照，憶起當年人生做第一份暑期工經歷，她表示當年在該快餐店原本應徵樓面，後來經理要她做收銀員，所以她當時「一半樓面一半收銀」。

至於當年為何在該快餐店工作呢？Maggie表示覺得好有趣，看盡人生百態：「有中年男人比人炒嚟打躉扮返工﹑有幾個老人家當呢到係社區會堂好開心﹑亦都有同年齡小朋友離家出走唔肯返屋企﹑試過送碟魚蛋比個老人家佢感動落淚…」

同時她還自揭曾遇過變態佬同事：「我喺員工專換衫嘅地方換衫，比男同事偷𥄫，男同事比啲姨姨同事鬧到飛起，然後個男同事仲要跟我返屋企。（嗰陣住沙頭角禁區所以唔怕）。」

Maggie又記得試過收錯錢要倒貼，結果她白做兼要倒貼，她還為網民解答該快餐店迷思：「當然青色眼影係制服之一，嗰陣收銀個櫃桶長期有盒青色眼影，以防大家唔記得化妝。」

（即時娛樂）