香港美食：【期間限定！5款人氣之選！Pici限定手工意粉強勢回歸！嚴選最Top！從過往等別限定Menu中選出經典！】

更新於 05月04日16:49 • 發布於 05月04日08:49 • 香港人遊香港

香港美食｜Pici 限定手工意粉強勢回歸 5款嚴選經典

食過返尋味，Pici 呢個5月帶你重溫過去一年最受歡迎嘅精選菜式！行政總廚 Sebastiano Ricciardetto 與團隊將過往嘅限定菜單中嘅鎮店之作重新呈現，嚴選5款人氣之選包括蜆肉烏魚子細扁麵、車厘茄大蝦意大利雲吞、意大利香腸牛肝菌手工寬帶麵、鮮刨松露紅酒牛小排細扁麵和番茄肉醬芝士千層麵。全部意粉都係當店即場現製，口感彈牙有嚼勁，配搭埋醬汁層次豐富，5款意粉都各有驚喜！最後，提提大家一定要試埋佢嘅Tiramisu，網傳係全港數一數二好食嘅，香濃咖啡味配上綿密嘅芝士忌廉，絕對會令你食唔停口！

▲蜆肉烏魚子細扁麵 (Tagliolini Amalfitana) ($150) ：來自「海鮮主題系列 (Vol. 1)」，以手工細扁麵配蜆肉、檸檬碎同魚子醬，清新蒜香一出，感覺自己已經喺阿馬爾菲海岸曬太陽～

▲車厘茄大蝦意大利雲吞 (Ravioli Gamberi)($170)：「海鮮主題系列 (Vol. 2)」嘅經典之作！鮮嫩虎蝦藏身意大利雲吞內，配上濃郁番茄醬汁，啖啖鮮味，絕對係海鮮控嘅天菜～

▲意大利香腸牛肝菌手工寬帶麵 (Pappardelle Salsiccia e Porcini)( $140)：來自「蘑菇風味時令菜式」，手工寬帶麵吸滿意大利香腸同牛肝菌嘅香濃滋味，仲有羊奶芝士提升層次，暖胃又暖心

▲鮮刨松露紅酒牛小排細扁麵 (Truffle Short Rib Tagliolini)($190) ：「松露季節限定菜式」嘅奢華選擇，手工細扁麵掛滿濃郁嘅牛小排醬汁，加上鮮刨黑松露同帕馬森芝士，香氣四溢，意粉愛好者必試！

▲番茄肉醬芝士千層麵 (Pasta al Forno)($140) ：「節慶限定美饌」嘅意式家常料理，薯仔丸子同奶油白醬、火腿、布旺倫芝士、番茄肉醬完美結合，令人回味無窮

▲最後，提提大家一定要試埋佢嘅Tiramisu，網傳係全港數一數二好食嘅，香濃咖啡味配上綿密嘅芝士忌廉，絕對會令你食唔停口！