日本好去處：【日本首間Chiikawa鯛魚燒專門店正式開業！平均$18一件 ＋人氣角色造型甜品＋限量全新周邊】

日本好去處｜日本首間Chiikawa鯛魚燒專門店正式開業！

Chiikawa專門店｜各位Chiikawa粉絲留意啦！好多粉絲期待咗好耐嘅日本首間Chiikawa鯛魚燒專門店《 Chiikawa Yaki》終於要開幕啦！ 專門店主打 蓬鬆麵團包裹唔同餡料Chiikawa角色造型嘅 鯛魚燒。目前宣布會推出六款口味，除咗有傳統嘅紅豆餡同吉士，仲有朱古力、芝麻、番薯同埋芝士嘅特別口味。而 價錢方面都相當親民， 平均一件價錢只係大約港幣$18。不過由於預計會太受歡迎，所以每人只限購六件。除咗食，當然仲要買精品返屋企！店舖特別推出多款可愛周邊，例如鎖匙扣、環保袋同手巾等等，全部都係店舖限定，未有網購渠道，所以想買嘅記得 mark低地址親身去搶購啦！ 專門店今日起開始接受網上預約，想去嘅 粉絲就快啲申請啦！ [>>立刻預約<<]

▲ 店舖預告裝修同產品會以栗啡色為主調，會融入傳統日式美學元素， 等大家一入店就可以感受到濃濃嘅和風氣息。

▲ Chiikawa鯛魚燒造型是三位主角，包括Chiikawa、小八同兔兔，聽講未來會推出更多 造型。

▲ 鯛魚燒以 套裝發售，「鯛魚燒三件套裝」價錢為1050円（約港幣$55），「鯛魚燒六件套裝」就係2100円（約港幣$110），十分抵食。

▲ 店舖推出左一系列可愛嘅周邊商品，款款都好可愛。

Chiikawa鯛魚燒專門店《 Chiikawa Yaki》

地址：神奈川县横滨市中区新港2-2-1 World Porters
開幕日期：2025年4月7日
營業時間：10:30-21:00
預約連結：按此

文字：香港人遊香港