<$468起 五道菜二人餐🌟> /Around Wellington 🇭🇰/ #sa銅鑼灣篇
呢間小店早幾年都已經知幾出名
由以前嘅中環去到依家嘅銅鑼灣！
店舖signature item
就係佢地嘅威靈頓牛～
套餐都可以加錢食到 更划算
set dinner $468/2位都唔算太貴
會有餐湯配沙律、主食一份、
飯/意粉一份、甜品同餐飲
環境方面都算坐得幾舒服！
而且憑單據
一個月內再返去食晚餐仲會有八五折優惠🌟
🔹飯/意粉🔹
另外可以揀一款飯或者意粉
揀咗都幾多人推薦嘅
蟹籽蟹肉蓋飯配松葉蟹甲羅燒
甲羅燒蟹蓋好足料 有好多蟹膏同埋蟹肉
仲有啲蟹籽添～
而本身米飯入邊都有飯素/蟹籽同蟹肉
所以整體感覺真係幾豐富
撈埋蟹膏一齊食啖啖餡😆
🔹主菜🔹
威靈頓牛柳 +$160
都算係專程為佢而去🤤
覺得牛柳幾好味 夠軟腍 肉色帶粉嫩
生熟度剛剛好 都有少少肉汁 唔算好多脂肪
包住牛柳嘅酥皮黃金色 微脆
再薄身啲同鬆脆啲就更好🙈
中間夾左層磨菇鴨肝醬 幾香☺️
側邊就會有啲蔬菜伴碟
如果唔想食威靈頓牛柳嘅話都有其他選擇
例如係肉眼扒、羊架、豬鞍、春雞/魚柳
🔹甜品🔹
可以揀日式芝士蛋糕/
半份芒果伯爵茶窩夫/朱古力心太軟
今次就揀咗芒果伯爵茶窩夫 🧇
窩夫口感微脆 重蛋香 但係伯爵茶就唔算好突出
芒果粒幾鮮甜 加埋忌廉同埋雲呢拿雪糕
幾鍾意配埋花生碎
一齊食就唔會好乾🫶🏻
不過食到最後會有少少滯
🔹餐湯&沙律🔹
每日嘅餐湯都唔同 當日係甘筍湯
無想像中咁大草青味 相反幾creamy
奶香味幾突出 就算唔鍾意紅蘿蔔都會接受！
是日精選沙律 幾多瓜瓜菜菜 有雞肉粒
酸甜醒胃～ 另外都可以加$48 配龍蝦湯🫶🏻
🔹飲品🔹
本身配普通咖啡或者茶
如果揀特色咖啡或者其他特飲
都係大概+10幾蚊
亦都有啤酒🍻
今次揀咗手搖水果冰茶 +$16有幾款口味選擇
揀咗桃味 唔算太甜🫶🏻 水果同埋茶味都幾平衡
另外一杯就揀咗latte macchiato + $14
拉花幾精美 就咁睇落可能覺得
奶嘅比例比較較重
實際上啡味都幾出😜西餐黎講頗高質！
📍Around Wellington @around.wellington
銅鑼灣登龍街28號永光中心21樓
▼Follow @sa_foodieadventure
留言 0