消息指，翼鋒艾迪耶美最近係多蒙特唔係幾順利，希望新合約加入解約金條款

🚨根據德圖片報消息，翼鋒艾迪耶美最近係多蒙特唔係幾順利，過去幾個星期睇到教練尼高高華同艾迪耶美關係越嚟越緊張，有幾次都可以睇出艾迪耶美唔滿意尼高高華換人做法，就好似多蒙特主埸1:0擊敗科隆德甲比賽途中，有鏡頭影到艾迪耶美被換走之後將水樽扔去後備席表達不滿，而賽後尼高高華公開批評艾迪耶美行為😶

🎯事實上，艾迪耶美最近係競技方面同樣情況唔係咁理想，自從9月對住緬恩斯比賽之後，艾迪耶美再係德甲搵唔到任何入波或者助攻，對於艾迪耶美能力嚟講，咁樣嘅表現真係唔太足夠🙃

💥消息指艾迪耶美願意同多蒙特續約，不過就要係新合約入面加入解約金條款先至會願意續約，而多蒙特唔太願意咁樣做，球隊希望避免使用呢種條款。不過，多蒙特仲未完全排除呢知可能性，佢哋有機會接受至少8000萬歐羅解約金條款😉

💣根據德國天空體育，多蒙特願意同艾迪耶美續約去到20230年夏天，雙方已經展開續約談判。不過，最近傳出英超球隊曼聯對艾迪耶美幾有興趣，而曼聯已經聯絡艾迪耶美經理人文迪斯了解球員情況，值得一提嘅係文迪斯之前幫曼聯成功簽入約路、烏加特等球員🙂

▼Follow足球仁
Instagram: https://www.instagram.com/football_yern/