晚吹-GG家長指引｜江若琳爆丈夫蕭唯展 佛系變緊張大師

鄭伊琪（浩南）及伍家謙主持的ViuTV節目《晚吹-GG家長指引》今晚（9日） 播出新一集，請來嘉賓江若琳（Elanne）及素人媽咪Hailey、Kathy一同暢談家中的緊張大師。

Elanne憶述自己生BB之前，丈夫蕭唯展（Oscar）一直抱着輕鬆的心態來面對。她說：「因為佢成日都覺得又唔係女，仔吖嘛，仔係應該跌吓，畀佢碰撞吓，唔使咁緊張，即係嗰啲天生天養得㗎喇！我就係當然比較緊張啲啦，佗住嘅時候會好呵護。」不過，Elanne表示兒子出世後，丈夫的態度180度改變，緊張到能用誇張來形容。她表示：「我老公曾經講過話好希望個仔可以踢足球，佢話『踢波實斷腳㗎啦，實畀人鏟跌㗎啦』，但係如果依家我再問佢『如果你個仔踢波受傷你點呀』，佢話『我接受唔到』。」

Elanne續說：「嗰日如果天氣好曬，佢就話：『小心太陽，唔好曬親我個仔！』陰天少少喇，佢就話︰『小心落雨，你唔好淋到佢。』跟住之後，我話今日天氣好好，想帶個仔去游水。佢話︰『唔得！你唔可以帶佢去，因住唔小心浸親佢！』」Elanne笑指丈夫說到她好像完全不理會兒子的安全，她強調︰「個仔係我㗎，其實個仔我有份㗎！」眼見丈夫如此緊張，Elanne唯有調節自己心態，提醒自己要放輕鬆一點。

（即時娛樂）