馬場靚環境　生蠔西餐調酒酒吧｜The Beat｜跑馬地

近年跑馬地馬場Happy Wednesday可能大家都知，因為真係個個禮拜三喺IG都見到有frd去玩，飲飲食食超好氣氛。但大家未必知，原來看台都有間靚酒吧餐廳，仲有無敵馬場景，居高臨下睇晒全場。

可能有唔少人都以為，馬場樓上都係啲會員會所，或者係超級VIP嘅看台咁，但其實呢間酒吧餐廳，係開放畀任何人嚟，只要上網訂位就得，或者10pm後walk in都得，有露天看台又有Live Band真心正。

-
🍗脆炸三黃雞 ($108)
呢到嘢食都有唔少心思，望落係正常炸雞，但原來包滿四川楓糖漿，仲有配上烤蒜泥蛋黃醬，重點係用上三黃雞，唔止外層酥脆，入邊真係嫩滑Juicy。

🦪新鮮空運生蠔 配柚子醬、薑蔥油及原味(各2隻)
🥓泰式燒豬頸肉飯
仲有就好似呢份靚生蠔咁，除咗係新鮮即開，調味都有諗過度過，其中薑蔥油真係少見，非常惹味香口，另外烤豬頸肉真係出色，好食過唔少泰菜餐廳。

🍫西班牙Churros ($88)
🍰Ice Cream Poppers ($98)
前者Churros炸得真酥脆，配上肉桂糖辣椒朱古力醬，仲有焦糖牛奶醬，都係出邊少見；而後者雪糕棒噴煙上枱超誇張，外層仲包住脆皮朱古力。

🍹浪漫勇士 ($128)
🍹美麗傳承 ($128)
🍹金鎗六十 ($128)
呢到仲有唔少酒水選擇，其中有啲cocktails仲要用馬匹嚟命名，都係佢哋自家設計，值得一提10pm後可以walk in，100蚊位包埋一杯飲品，都非常抵玩。

🔸環境同其他設施
而且呢到真心好氣氛，現場有Live Band表演，外邊又有露台睇無敵馬場景，而入邊仲有啲互動設施，例如互動式AI揀馬站及 Racing Specialist 提供「賽馬101」教學，可以睇下當日有咩賽事同馬匹咁，睇馬就更加過癮。

-
The Beat
🗺️跑馬地黃泥涌道跑馬地馬場聯合看台2樓
❇️留意餐廳menu不時都會更新，詳情記得睇返佢地官網資訊。

▼Follow foodiegogoooo
Instagram: https://www.instagram.com/foodiegogoooo/