范麒智王智騫BL劇開播　開拍前突破心理關口

藝人王智騫（Martin）與范麒智（Kenji）最近組成男男CP，為台灣BL劇《靈魂約定》擔演男主角，劇集於上周首播已不乏出浴、裸露、親嘴戲等吸睛場面。

今次是兩人首次演男一，對於劇集出街，心情緊張，Martin更緊張到連夜失眠：「因為都叫做人生第一套男主角，會擔心自己嘅演出未係最好，所以呢幾日都有時瞓唔着。」Kenji就指：「第一次拍BL劇，亦係第一次有咁多戲份，劇集出街勾起好多回憶，拍攝事前做咗好多準備功夫，又港台兩邊飛咁上堂，所以好期待出嚟嘅效果；我都有將套劇分享畀身邊朋友及家人，雖然係BL題材，但個人認為劇情係老少咸宜。」

兩人在劇中除了有親熱戲外，更會有床戲及海量裸露鏡頭，二人笑言劇集尺度大膽，Kenji透露：「尺度係好刺激，有一幕我哋嘅咀戲咀到好似慾火焚身咁，一定會衝擊觀眾視覺，喺畫面上表達出唯美感覺，我幾鍾意呢一幕。」拍攝期間，為投入角色，二人在開拍前刻意同床睡覺，衝破心理關口，Kenji說：「其實整個拍攝過程兩個幾月，我同Martin一齊同居，朝早起身到夜晚都見住，感覺好神奇。拍親熱戲亦冇尷尬，為咗好好磨合，我哋有幾日仲同床瞓。」

在劇中，他們除大曬Fit爆身形，還大曬超流利普通話，Martin說：「拍攝時間好趕，但我哋都盡量比自己一個禮拜有三日健身，可能有時真係淨係瞓得兩三個鐘都要去健身室操嘢。普通話方面，好彩以前上過一啲普通話專業課程，喺普通話交流同埋咬字方面都比較精準，但因為今次套劇拍攝嘅時間比較趕，好多時候都唔夠瞓，有陣時真係會攰到講嘢有懶音。」至於Kenji就自言普通話麻麻，拍攝前花了很多功夫背對白，幸好Martin有普通話演戲經驗，他教我用不同方法講得更暢順。

此外，兩人亦破天荒為劇集合唱主題曲《換不了的你》及插曲《定格》，Kenji直言超級開心：「我好鍾意唱歌，中學仲試過去busking，第一次有實體作品，真係好期待。」Martin續說為令聽眾更能代入劇中角色的情感，自告奮勇以第一身角度為插曲填詞，為此更上特訓班，務求盡善盡美。

東網網站 : https://on.cc/東網Facebook專頁 : https://www.facebook.com/onccnews/