多蒙特4:3險勝馬美洛迪日落世冠盃比賽　由於天氣太熱，多蒙特後備球員喺更衣室睇上半場比賽

🔥多蒙特4:3險勝馬美洛迪日落世界冠軍球會盃比賽，由於今場比賽地點美國辛辛那堤天氣炎熱（當時氣溫已經去到攝氏32度），再加上比賽時間仲要係當地正午12點，多蒙特決定俾一班後備球員留喺更衣室睇上半場比賽，而多蒙特官方表示呢種情況從來都未見過😅

去到下半場，多蒙特後備球員同教練成員都返去後備席。當轉播鏡頭影住多蒙特後備嗰陣，由於呢個球場後備席無蓋遮擋，所以多蒙特球員同教練成員選擇開遮擋住猛烈嘅太陽🫠

💬多蒙特教練尼高高華賽後就話「我企喺場邊都成身濕晒，就好似啱啱焗完桑拿，對於兩隊球隊嚟講都好辛苦，我哋的確踢唔到最好水準，但係咁樣天氣情況下幾難做到。最緊要就係贏波，球隊繼續向前行😉。」

💬同哥哥一樣第一次正選就搵到第一個入波嘅祖比比寧咸接受訪問就話「入波係唔錯嘅額外收穫，我幾開心我哋可以贏波，但無論係我自己定係球隊都仲有唔少需要改善地方。今場比賽天氣情況對我哋嚟講係新挑戰，而我哋都要適應呢種情況🥲。」

▼Follow足球仁
Instagram: https://www.instagram.com/football_yern/