香港美食：【超正！九龍5星酒店！將日本高級早餐帶到港！期間限定！日本匠藝麵包放題+手工咖啡】

更新於 05月02日22:22 • 發布於 05月02日14:22 • 香港人遊香港

九龍香格里拉日本麵包放題+手工咖啡早餐

麵包控們注意啦！九龍香格里拉嘅「日本匠藝麵包早餐放題」復活節期間大受歡迎，應大家熱烈要求，5月1日至5日加推第二輪！無需飛日本，即可喺香港享受五星級日式烘焙藝術，開展你至高無上的味蕾之旅！

2.5小時可以任食20款用匠心打造嘅日式工藝麵包，再配手沖日式咖啡無限添飲，完美開始每一天！麵包款式包括必食明太子法包、黑松露可頌、日式白吐司、培根蛋酥餅等。除咗鹹麵包外，更有多款水果丹麥酥，配上每日空運嘅日本鮮果、沖繩果醬，食材講究得嚟又高質，每一口都係幸福滋味。而且麵包全部係用擁有120年歷史嘅日本頂級麵粉、法國 AOP 牛油同自家調製嘅配方製作，質感細膩綿密，柔軟到好似雲朵咁。香氣與味道層次分明，絕對係麵包愛好者嘅天堂！

▲迷你明太子法包：是灘萬日本料理聯乘之作，每個迷你明太子法包都係即叫即整，可以要求明太子醬份量，再烘烤加熱，讓麵包保持酥脆美味。

▲日式白吐司：白吐司以高溫烘焙，用最短的時間烤焗以鎖住水分，讓麵包維持鬆軟，配軟滑的牛油，將味道昇華。另外，亦可搭配沖繩直送果醬享用，更添另一份美味。

▲黑松露鹽可頌：外脆內軟的口感、嚼勁之中散發出均勻的奶香及鹹味，仲有松露香味，每一口都是純粹而高級的味覺享受。

▲煙肉蛋酥餅：酥皮內包住厚切煙肉同原隻日本蘭王蛋。有2款食法，未加熱時，可試到蘭王蛋半流心狀態，絕對係誠意之作，小編食唔停口！

▲法式烤三明治：三文治中間夾着火腿、芝士，多士面層更加上芝士，翻熱後味道一流！

▲鬆餅三重奏：抹茶、原味、提子三款口味一次滿足！日本嘅鬆餅講究濕潤香滑嘅口感，加上黃油嘅濃郁香氣，完美演繹出與英國鬆餅截然不同嘅日式風格

▲蝦與蘆筍酥皮卷：酥皮外脆內香，配搭鮮甜蝦肉同嫩綠蘆筍，呢款日本融入西方工藝嘅創意麵包，一口咬落盡是季節農產嘅新鮮滋味～仲可以食到日本廚師將傳統與創新融合嘅匠心！

▲無花果忌廉芝士裸麥包：裸麥麵包特有嘅厚實質感同微酸風味，內裏包住軟滑嘅忌廉芝士同甜美無花果，酸甜交織，層次感一絕！

▲日式丹麥酥：麵團經過傳統丹麥酥工法反覆摺疊烘烤，成就外層酥脆、內裡蓬鬆的絕妙口感。頂層選用從日本直送的當季水果，帶有天然果香與微酸風味。