《女神配對計劃》Dating Camp最終回　細John真情剖白關嘉敏感動落淚

TVB戀愛綜藝《女神配對計劃》本周日（8月17日）播出的一集，將是Dating Camp最終回，5位女神葉蒨文（Sophie）、李芷晴（Stephanie）、羅毓儀（Yuki）、關嘉敏（Carman）及梁敏巧（Maggie）在本回合結束時，每位只能留下最多兩位組員，最終共有兩名求愛勇者被淘汰。

今集另一焦點是5位女神與11位求愛勇者，將傾巢而出盡訴心中情。在形形式式的告白中，有人展現無人知曉的真實想法、有人展現超出預期的成長、有人展現意外的脆弱內心，有人突然來個驚人轉軚、有人感情突飛猛進、有人突然由天堂跌落地獄，峰迴路轉的發展充滿驚喜及感動，真人騷的戲肉終於真正展開。其中表面對所有女神「零在乎」、似全心全意玩遊戲多於追女仔的姜卓文（細John），原來心底深處依然情繫「擦身而過」多次的Carman。

在Dating Camp尾聲，細John出乎意料地主動爭取最後機會向Carman剖白：「我覺得呢兩個Round，我個人有少少lost咗，可能令你有少少唔舒服，或者有啲人覺得我好似friend zone咗你咁。」值得留意的是，細John還未說完，Carman已滿面通紅流露激動樣，向來坦率的她驚呼：「點解我好似想喊咁嘅？」之後，Carman雖然一再死忍還是熱淚盈眶，但仍強裝鎮定向細John反告白：「其實你係我第一個Choice。」

Carman直指三角枱當晚將黃家俊寫入「保護名單」是她感到後悔的決定：「我咁就miss咗個機會同你溝通喇！」眼見Carman如此著緊自己，細John大感意外：「Wow！完全唔係我expect嘅嘢。」向細John和盤托出真實感受的Carman，還大讚細John有上進心：「我覺得最charm係你一直喺度堅持，做你自己鍾意做嘅嘢，呢樣嘢令到你發光，其實我好明，因為我都係做緊同樣嘅嘢。」Carman的坦誠令細John直認心動：「呢番說話我係有啲感動，OMG，心動了！」二人不但傾到要轉location繼續傾，最後更因Carman一個舉動，令原本打定輸數的細John所有信心返晒嚟，並遙距向Matthew宣戰：「我贏咗喇！Bye Bye Matthew。」

除了細John，「怕醜仔」林焌堯Jacob難得流利地進擊的「三段式蛻變」告白，亦是充滿驚喜及感動。Jacob的第一個蛻變是主動問Step「係咪想企左邊」；因為Step曾於三角枱當晚告知他覺得自己左邊面更上鏡，此舉已令Step大為感動及意外。第二個蛻變是平時「惜字如金」的Jacob，激罕地說出至少數百字的告白內容，並展示了即使被淘汰，但希望能再有機會認識Step的決心。第三個蛻變是為Step準備貼心小禮物-香水膏：「我知你之前想買香水膏，所以我買咗支畀你，我覺得應該幾適合呢幾日拍攝用。」對於Jacob的「突然主動」，Step一再以甜笑及淚眼回應，明顯相當受落。

芷晴在閨密何泳芍陪同下，接受奇門風水師雲文子指點時，卻駭然發現與求愛勇者的發展原來不太順利。Step坦言與陳昇Jaden同房後，反而影響了二人進一步發展。雲師傅又指對於Step與Jacob的緣份亦不看好：「你要有心理準備，我直接講喇……坦白講，你依家呢個盤好曇花一現，騰蛇代表有吸引力，但依家講緊你嘅思維，咁騰蛇就代表變幻莫測、好反覆……」雲師傅還建議Step適合的拍拖時機、並指她留曲髮可增強桃花運。