跑步與人：Peggy

1. 跑步年資？為什麼開始跑步？

可以話大概8 年，2016 年開始跑，因為嗰時覺得女仔就算20 幾歲唔做吓運動，個人係會好易浮腫，同埋自己都好鍾意跑完步流汗嘅感覺，不過之前都係斷斷續續進行。2020 年有咗之後直頭就冇做運動。到真正熱衷跑步係2024 年2 月嘅事，當時真係買咗隻運動錶真正開始跑步😍。

2. 最深刻的一場賽事？原因？

都算係今年年頭回歸跑跑半馬。回想返都唔知點解自己會係咁熱嘅天氣下，冇參加過任何賽事跑咗第一隻半馬，又熱又焗，好彩冇中暑哈哈🤣🤣！完成到已當赢。

3. 有沒有跟跑會或教練練習？選擇原因？

冇呀。因為知道其實如果跑步訓練係要好regular 嘅訓練日子，同埋通常夜晚進行。其一工作返shift 好難去特定一個時間做訓練，其二係夜晚會想多啲時間陪小朋友，返工已經唔係成日有得見。

4. 最喜歡的跑步用品品牌？最喜歡一對跑鞋？

On 同 asics。asics Novablast 4 及 On Cloudmonster 2。

5. 現時跑步目標是什麼？

啱啱報咗下年2025 渣打半馬拉松，希望可以sub2😂。

6. 日常跑步路線？喜歡什麼時段跑步（晏跑/晚跑）？為什麼？

將軍澳為主，單車館嗰邊公園兜去寶琳再兜去將軍澳海濱。前排天氣熱都係鍾意夜晚跑，不過因為夜晚想陪個仔多啲，所以就選擇朝早或者晏晝跑😂。

7. 未來想完成馬拉松嗎？最想到外國哪裏跑？

想呀，希望2026 年可以。最想去日本跑🇯🇵🎌東京馬拉松😍。

8. 另一半對有跑步嗎？對你跑步有意見嗎？

冇呀佢完全唔做運動😂，但佢都支持我參加跑步比賽嘅。

9. 作為一個媽媽，怎樣平衡練習同陪伴小朋友？

對我嚟講都係一個大嘅學問。因為小朋友仲細只係三歲幾，處於一個父母陪伴性發展嘅階段。所以我跑步通常會選擇喺放假返學嘅時間，或者返shift 前如果我返晏嘅我就會揀晨跑。

所以基本上每個星期跑嘅時間唔多，大概都係3-4 日左右。

10. 期望小朋友未來一起跑步嗎？

當然想啦🤣！下年有啲親子賽事都可以想同佢一齊參加。
佢知道媽媽成日去跑步，想佢從小就培養對運動嘅興趣，不過下年就算參加賽事都會詢問吓佢意願先。

11. 有沒有跑步傷患？如何處理？

Touch Wood 冇傷患，有時跑完步好攰會用熱水浸吓腳或者出去按摩吓。

12. 有沒有因為跑步而放棄了其他運動？

咁又冇。對我嚟講跑步已經為我填滿咗色彩🎨。

13. 有什麼社交媒體可以找到你？

運動