深圳刺身壽司廚師發辦 海膽巨無霸超甜鮮🙂↔️ [ 鮨嵐Sushi Arashi ]
想係深圳食到高質素嘅日式料理？介紹大家去呢間日式餐廳，有十多個席前吧枱座位，提供幾款刺身壽司Omakase套餐。
✿ 海膽拖羅蓉巨無霸套餐 ¥880/位
呢個套餐以海膽製作茶碗蒸、刺身料理及主食「海膽拖羅蓉巨無霸」😍🤤，另外有前菜、手握壽司、湯物及甜品。
先付(前菜)
（1）海膽茶碗蒸♨️🥚
茶碗蒸口感嫩滑，表面放有海葡萄及海膽，海膽好鮮甜，而內裡配料有帶子肉及蝦肉，口感結實彈牙👍。
（2）鹽燒太刀魚🔥🐟
太刀魚外皮燒得香脆，鹽燒保留魚肉原汁原味，肉質細緻。
（3）鰤魚刺身
鰤魚肉質緊實，以火槍輕輕燒過，逼出豐富魚油，配酸汁中和油膩感。
（4）海膽剝皮魚刺身
剝皮魚肉質爽彈嫩滑，海膽為魚肉帶出鮮甜味道。
手握壽司🍣
共有6款時令款式，由廚師發辦。當晚壽司有烏賊、牡丹蝦、大竹莢魚、吞拿魚赤身 鵝肝雪花、吞拿魚大拖羅、星鰻。
最特別一定係吞拿魚赤身 鵝肝雪花。師傅係吞拿魚赤身上面刨上大量紅酒鵝肝形成雪花❄️效果，口感似食緊雪糕，入口即化，非常之creamy👍👍。
大竹莢魚(池魚王)及吞拿魚大拖羅以火槍炙燒，逼出魚油，油脂感滿滿。星鰻外皮及魚肉嫩滑肥美，配以鰻魚汁帶出魚肉味道。
主食
食完壽司主角終於出場！「海膽拖羅蓉巨無霸」超大嚿，有大半隻手掌🍔✋咁長！師傅拿出原板海膽，再將大量海膽一層一層咁鋪係吞拿魚拖羅蓉醋飯之上。一咬滿口都係海膽，海膽超鮮甜，口感綿軟潤滑，層次豐富🤤🤤。
湯物🥣
海鮮清湯加入貝類、蓴菜、海帶等熬煮，味道清甜。
甜品🍈🍓
水果拼盤有青提、蜜瓜、士多啤梨等。
總結
餐廳席前吧枱空間寬敞，配搭日式風格裝飾，用餐環境舒適有格調。Omakase套餐用料高級，調味溫和，可以食到食材原味道👍。
另外餐廳非常適合約會或慶祝節日。當晚有食客慶祝生日，師傅額外製作刺身丼飯並插上蠟燭造出「壽司蛋糕🍣🎂」，賣相精美，影相打卡都好靚！
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
鮨嵐Sushi Arashi
地址：深圳市-南山區-夢海大道5033號前海卓悅INTOWN購物中心T4棟1層21-23號（深圳地鐵5號線 桂灣站E出口）
營業時間：早上11時至下午2時、晚上6時至10點半
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
▼Follow konglui.food 港女食好西
Instagram: https://www.instagram.com/konglui.food/