《爆血新婚夜2：豪門遊戲》逃避獵殺　逆襲權貴

愛潑斯坦檔案令多些網民留意到，現實中權貴階層與惡魔獻祭的勾當，近期兩套荷里活新片都以此為主題，分別是《爆血新婚夜2：豪門遊戲》（Ready or Not 2: Here I Come）與《殺死你》（They Will Kill You）。前者是2019年恐怖喜劇《爆血新婚夜》（Ready or Not）續集，講述澳洲女星Samara Weaving飾演的新娘，上集僥倖於有錢老公家族舉行的惡魔崇拜婚禮儀式生還後，成為更高級的「祭品」，輪到被國際四大豪門家族獵殺，以決定話事權。為令女主角屈服，由美國女星Kathryn Newton飾演的妹妹亦被綁架作為人質，兩姊妹能否聯手戰勝這場不公平的死亡遊戲？

身為《22世紀殺人網絡》（The Matrix）三部曲反派「Agent Smith」演員曉高韋榮（Hugo Weaving）姪女的Samara，經常被人認為與同鄉瑪歌羅比（Margot Robbie）似樣，連電影《巴比倫：星聲追夢荷里活》（Babylon）都幽了兩人一默。Samara近年經常參演恐怖片，不過她受訪時自認細膽，向來不看恐怖片：「我細個時係冇膽鬼，唔鍾意睇恐怖片。但因為拍咗《辣手保姆》（The Babysitter），我第一次打入美國市場，我睇咗一堆恐怖片去了解個類型，之後鍾意咗。依家我已經係死硬派粉絲，但呢樣絕對唔係本來就咁。我細個睇《101斑點狗》（101 Dalmatians）時曾經驚到要被帶離戲院，而佢根本連恐怖片都唔係，但呢個就係我細個時個程度。」

Samara坦承《爆血新婚夜》本身不打算拍續集：「我哋拍第一集時，冇話過要拍續集。我哋拍攝過程好開心，但我哋冇真係諗其他人會明白。當套戲吸納咗班追隨者真係好驚喜。我經理人開頭仲要周圍走去派飛，佢喺開畫周末買咗50張飛，問人：『有冇人想睇呢套戲？』我哋真係唔知啲人會點反應，好開心啲人好鍾意，時間愈耐愈多人睇。所以，慢慢就有呢個『可能我哋應該拍第二集』嘅念頭。但如果要拍續集，係幾得人驚，因為我哋想比第一集更精彩。」

東網網站 : https://on.cc/東網Facebook專頁 : https://www.facebook.com/onccnews/