基拿比傾向與拜仁續約1-2年

🚨根據德國天空體育消息，雖然最近傳出利物浦同祖雲達斯有興趣係出年夏天免費簽入拜仁翼鋒基拿比，但係基拿比傾向同拜仁續約。基拿比有機會同拜仁續約1-2年，而人工將會有所減少，雙方續約談判已經開始，並且將會加快進行🙂

💥消息指雖然拜仁仲未作出最後決定，不過根據依家情況嚟講，拜仁中埸哥列斯卡好大機會出年夏天以自由身離隊。由於哥列斯卡依家係拜仁陣中其中一位最高人工嘅球員，而拜仁亦都開始去搵哥列斯卡接班人，呢啲跡象都證明哥列斯卡好大機會唔會得到一份新合約🙃

💣根據圖片報消息，雖然祖雲達斯同費倫巴治都有興趣嚟緊冬季轉會窗簽入哥列斯卡，而今次亦都係拜仁拎到轉會費嘅最後機會，但係哥列斯卡唔考慮提早離開拜仁。消息又指拜仁高層願意同哥列斯卡傾續約，但條件係哥列斯卡需要減大量人工😶