Lolly Talk齊人貼「黑圖」回應傳聞　預告萬聖節音樂嘉年華現身

本地女團Lolly Talk近日深陷負面傳聞，被指因內訌、成員戀情及投資者「閂水喉」，導致半年零收入，更傳出8位成員每人倒欠公司20萬元。經理人Alex早前回應傳媒，承認已有半年未出糧，但否認成員不和，強調團隊仍然齊心，並透露未來兩個月仍有工作安排。

今日（2日）凌晨，Lolly Talk在社交平台更新近況，宣布將於10月31日齊人出席在灣仔海濱舉行的萬聖節音樂嘉年華。她們貼出一組精心挑選的「黑圖」，8位成員以不同搞鬼角度自拍，拼湊成「八星伴月」陣式，向粉絲「報平安」示意團隊仍然完整。

Lolly Talk同時發文回應近日傳聞，寫道：「近日嘅報道令大家擔心了❣呢幾年嚟，我哋八個的確一齊經歷咗不同高山低谷、一齊努力為Lolly Talk進步成長。好感恩沿途一直都有我哋波板糖（Lolly Talk粉絲）嘅陪伴，亦都有客戶嘅寵愛，先有幸一齊行到第三個年頭，Lolly Talk仍然同三年前一樣。八個人繼續一齊行得幾遠得幾遠✨」

帖文一出，吸引大量「波板糖」留言支持，並以Lolly Talk歌曲《數到十》的歌詞「能撐多遠 多不死心 就撐得多遠」為偶像打氣。有粉絲寫道：「妳哋唔放棄追夢，我哋都唔會放棄妳哋🍭」、「Lolly Talk世一，世一波板糖啊！！撐啊！」。亦有支持者留言許願，希望她們能在本月AKB48於會展舉行的演唱會上亮相，一同合跳《三分甜》。