方力申公開女兒照結構過程　預先綵排陪產：我暈血點算

現年45歲的方力申，今年情人節（2月14日）宣布與細14歲的女友葉萱（Maple）在美國結婚，其後於父親節（6月15日）再於社交平台公布「將要做爸爸」，透露女兒預計今年年底出世。即使細個試過「見血暈」，方力申亦承諾會陪太太入產房陪產。

隨着太太的預產期臨近，方力申昨日（24日）在Instagram上載一段短片，透露日前陪太太到醫院進行胎兒結構性超聲波檢查時，順道參觀醫院的產房和產後病房，更即場「綵排」陪產。

方力申在帖文中表示：「日前我同太太去港怡醫院照BB嘅結構，好感恩，舒醫生話BB一切正常。由於之後太太都想喺港怡醫院呢度生BB（想順產），護士就好好咁帶我哋上樓參觀房間同產房，聽完佢哋細心講解『生產』過程後，本來心情好平靜嘅我，依家開始有少少緊張，咪住先，呢啲唔係緊張，係興奮先啱，要開始準備做爸爸喇！」

片中可見，他在太太進行檢查時忍不住大讚女兒：「佢嘅脊骨靚過我呀。」又指看到女兒在肚內非常活躍，令他「既興奮又好期待」。

其後參觀產房時，護士解釋「媽媽生完BB後，我哋會安排媽媽同BB先做肌膚接觸」，方力申即時「爭寵」問：「冇爸爸架？」護士回應可以，但需先讓媽媽優先。當見到病床旁有張凳，他又笑言：「嗰張凳係畀爸爸？如果我暈血咁點算？就瞓嗰喥？」隨即走到床邊「綵排」陪產場面，更笑說：「我畀佢鍊住，呢邊畀佢鍊到流血都冇人理？」護士打趣回答：「係喇，冇人理你喇

帖文吸引不少人留言教路，例如建議他準備「走佬袋」、多看網上生產過程影片以適應，亦有人留言：「期待偶像嘅BB女出世。」DJ朱薰亦留言問他：「係咪緊張過出去比賽？」