汪明荃78歲生日正日開工收驚喜　周嘉洛阮浩棕送上Birthday Kiss

今日（28日）是汪明荃的78歲生日，「阿姐」決定在工作中度過，今日穿得漂亮及戴上藍色花花耳環現身電視城，為無綫全新綜藝節目《帶阿姐看世界》進行拍攝。劇組特意安排驚喜，邀請曾一同拍攝的周嘉洛與阮浩棕帶來她最喜愛的「太陽花蛋糕」，二人更應阿姐要求送上一人一個Birthday Kiss，又聯同現場台前幕後一同唱生日歌，氣氛溫馨熱鬧。因工作而身在外地的周奕瑋，亦透過視頻向阿姐送上生日祝福。

汪明荃受訪時笑言，拍完《帶阿姐看世界》後經常掛住嘉洛仔及阿Nic，所以今日見到二人十分開心。三人受訪期間互笠高帽，阿姐感激二人在行程中對自己照顧有加，而出名口花花的嘉洛仔則回敬：「阿姐先係照顧我哋嗰個呀！」嘉洛仔又講笑謂，自從與阿姐看過世界後，為人變得更有內涵：「大家知我出名冇內涵，但認識咗阿姐之後，就明白到原來有涵養嘅人係咁樣，所以我之後都有睇多啲書。」

至於阮浩棕大讚阿姐專業又捱得：「因為我哋喺摩洛哥拍攝時，撞正歐洲熱浪，最熱有44度。我記得阿姐完咗個Trip，落機第二日仲可以完成一個大型Live Show，真係好犀利。」阿姐聞言接著說：「係呀，我最記得我哋喺沙漠執啲沙摸上手係滾嘅，可以煮熟蛋咁滯。」

談及生日願望，阿姐表示希望身體健康，被問到丈夫羅家英有何表示，她幽默回應：「佢好大表示，今晚我哋嗰餐飯係佢安排。」她亦透露多年來的生日習俗，都是享用家中姐姐準備的長壽麵及自家製小蛋糕。