裕美為流浪狗被殘忍對待發聲　哽咽落淚揭繁殖場真相

藝人裕美自出世已跟狗狗一起生活，家中飼養多隻愛犬的她，也十分關心流浪動物的問題，她日前就拍片放社交網，怒轟有不法商人為求讓狗狗美觀，竟殘忍地剪開狗耳再縫合，甚至以膠水固定，最終令狗狗細菌感染中病毒而離世，直斥行為令人髮指，懷疑是養殖狗場所為。

裕美以「人神共憤」為題拍片，指義工團日前在街頭發現一隻「都柏文」狗狗瑟縮街頭：「發現隻狗勢色唔對，頭頂有個紙杯，耳仔畀針縫起。」她解釋其實都柏文耳朵天生是向下垂，但不少人卻誤以為是耳仔豎起及短尾，因此不法商人才以殘忍手段去剪耳及固定，她解釋時更一度哽咽落淚：「呢一單係好誇張，佢係喺剪耳嘅時候，連埋個紙杯一齊縫起佢，都唔夠！仲要搵膠水黐實佢，令佢隻耳仔甩唔到，我哋估計係繁殖場，雖然我哋冇證據。」片中亦見該都柏文狗仔已病至不吃不喝甚至站不穩，出現嚴重脫水，雖已送到獸醫手中，但捱不過多久便因中病毒離世。

裕美更坦言數月已遇見過另一宗相同情況，怒斥繁殖場只當貓狗是商品，因醫療費用高昂，每當遇上手術後有細菌感染或病便直接棄置街頭，她呼籲大家廣傳事件，打擊這些不法商人。

東網網站 : https://on.cc/東網Facebook專頁 : https://www.facebook.com/onccnews/