甘美治被問拜仁有咩翼鋒計劃：你要問球隊

拜仁中場甘美治最近被記者問到拜仁有咩簽翼鋒計劃：

💬甘美治就話「我諗你要問下球隊有咩計劃，當然你會覺得球隊可以做返啲嘢來，因為域斯唔會加盟拜仁，而辛尼同梅拿都會離開拜仁。老實講，我無諗過辛尼會去土耳其🇹🇷。呢件事令我幾意外，但呢個係辛尼嘅決定，佢肯定有自己理由。」

對於甘美治講法，拜仁名宿馬圖斯就話「拜仁應該要多謝甘美治，作為一位主力球員，佢諗到球隊有咩地方需要改善，呢樣真係甘美治同其他人唔同嘅地方，亦都係點解佢對拜仁咁重要嘅原因😎。」

馬圖斯又話「我知道體育總監艾巴爾之前被球隊通知佢一定要籌集資金同埋削減人工開支，艾巴爾已經做到，而拜仁已經籌集到資金，球隊已經準備好簽入一位頂級球員，佢哋已經考察幾個人選，同埋幾肯定同佢哋傾過，所以我相信拜仁已經展開簽翼鋒計劃😉。」

▼Follow足球仁
Instagram: https://www.instagram.com/football_yern/