Häagen-Dazs推香港限定雪糕雞尾酒! 全港僅三間酒吧發售！即睇新品MENU＋地點！

Häagen-Dazs香港酒吧聯乘2025｜星級雞尾酒+歐式雪糕醉人體驗！

各位甜品控同Cocktail愛好者注意啦！今個夏天，Häagen-Dazs™突破傳統，首次聯乘香港三大星級酒吧，為大家呈獻一場獨一無二嘅「Le Wanderlust Voyage 歐洲微醺之旅」！Häagen-Dazs™將佢最新嘅歐式甜品系列雪糕，包括濃郁嘅意大利芝士蛋糕雪糕同誘人嘅牛奶拖肥肉桂條雪糕，結合亞洲第一酒吧COA、主打廣東烈酒嘅KINSMAN，以及創意調酒師 Antonio Lai 同 Samuel Kwok 嘅心血結晶 THE OPPOSITES，精心調配出多款期間限定雞尾酒。呢個活動由2025年6月10日至7月5日，等你留港都可以享受到好似置身歐洲嘅微醺滋味！想知邊度有得試？有咩特色飲品同甜品？《香港人遊香港》即刻帶你睇盡每個亮點同本地玩法！

延伸閱讀

【名古屋近郊景點】鈴鹿賽車場2025｜1價錢即可任玩刺激賽車+過山車等30種設施！水上樂園開幕詳情

Chiikawa PARK 7月東京開幕！樂園門票+設施全攻略

香港星級酒吧COA、KINSMAN、THE OPPOSITES有咩獨家調配？

呢次Häagen-Dazs™嘅聯乘，每間酒吧都由佢哋嘅首席調酒師親自操刀，將歐式甜品系列雪糕巧妙地融入雞尾酒同特色小食，帶嚟獨一無二嘅味覺體驗！

COA：亞洲50大酒吧第一名嘅創意火花

三度榮登「亞洲50大酒吧」第一名嘅COA，今次為Häagen-Dazs™設計咗兩款極具水準嘅雞尾酒。佢哋嘅Churro Symphony (HK$148) 以干邑嘅深邃香氣為基底，肉桂嘅辛辣溫暖同香蕉嘅天然甜美柔和口感。再融入Crème de cacao嘅巧克力甜香，搭配Häagen-Dazs™牛奶拖肥肉桂條雪糕，口感細膩。而另一款Tiramisu Affair (HK$148) 則以Mezcal嘅木質風味同辛香作開端，隨後散發椰子與車厘子嘅清新果香，將酒液傾注於Häagen-Dazs™意大利芝士蛋糕雪糕中，打造一杯奢華嘅微醺Affogato，極致享受！

THE OPPOSITES：創意調酒師嘅視覺與味覺盛宴

由兩位卓越調酒師Antonio Lai同Samuel Kwok聯手打造嘅THE OPPOSITES，以創新雞尾酒聞名，今次亦為大家帶嚟驚喜。佢哋嘅Upside-Down Tiramisu (Antonio Lai) (HK$140) 以Tequila帶嚟微微辛辣與清新，加上Frangelico Liqueur香濃嘅榛子與堅果香氣，同Amaretto Adriatico嘅杏仁甜潤，令口感更柔和細膩。頂層嘅Tiramisu泡沫混合咗Häagen-Dazs™意大利芝士蛋糕雪糕，為整杯酒更添醇厚、回味悠長嘅甜蜜層次。而Churroni (Samuel Kwok) (HK$140) 則將干邑嘅醇厚與濃郁，同Häagen-Dazs™牛奶拖肥肉桂條雪糕相得益彰，奶香甜美嘅雪糕完美中和酒體嘅微苦。另外佢哋嘅特色甜品YamBrûlée (HK$100) 底層嘅烤蕃薯散發溫暖焦糖香氣與細膩甜蜜滋味，表層嘅Crème Brûlée以奶油般絲滑口感與酥脆焦糖形成完美對比。最頂端再搭配一球Häagen-Dazs™牛奶拖肥肉桂條雪糕，令人陶醉其中，回味無窮。

KINSMAN：充滿港式情懷嘅歐陸咖啡館

主打廣東烈酒嘅KINSMAN，今次更特別將店鋪裝潢成歐洲咖啡館嘅氛圍，讓你由踏入店內嘅一刻，就感受到濃濃嘅歐陸情懷，視覺與味覺雙重滿足！佢哋嘅冰火齋燒鵝 Fire, Ice, and…Goose (HK$138) 以永利威糯米酒為基底，散發溫潤米香，巧妙地將Häagen-Dazs™意大利芝士蛋糕雪糕嘅濃郁奶香與咖啡嘅醇厚相互呼應，配搭中式齋燒鵝，呢個意外嘅組合碰撞出令人驚艷嘅味覺火花。而開心兒童餐 Happy KidBreakfast (HK$148) 則以永利威「玉冰燒」獨特嘅香氣喚起港式懷舊氛圍，再加入「閉月羞花」清新花果嘅酸甜味，更能突顯出Häagen-Dazs™牛奶拖肥肉桂條雪糕自身嘅奶香與肉桂條香味，側邊仲配有油炸鬼點煉奶，完美體現建民號嘅特色，充滿驚喜！

香港限定周邊：限量版藝術明信片+集印章換雪糕！

為咗令呢趟歐洲之旅更難忘，Häagen-Dazs™仲準備咗一系列限定禮遇！只要喺活動期間於任何一間合作酒吧購買期間限定聯乘產品，就可以獲贈一張由本地插畫家水木其繪製嘅精美明信片同Häagen-Dazs™特製郵票。明信片設計巧妙融入咗Häagen-Dazs™雪糕、酒吧特色同歐洲靈感地，充滿藝術感，限量換領，先到先得㗎！另外Häagen-Dazs™特別推出集印章活動。喺COA、Kinsman同The Opposites購買期間限定雞尾酒或甜品，即可獲取1個雪糕球印章，憑1個印章卡片，由2025年6月10日至7月14日，就可以喺Häagen-Dazs™香港專門店換領歐式甜點系列甜品或特飲半價優惠！

邊買Häagen-Dazs™邊抽獎：贏香港來回歐洲機票！

想將呢個歐洲微醺之旅延伸到現實世界？Häagen-Dazs™仲有「帶你甜蜜歐遊」抽獎活動！由2025年6月4日至7月3日，只要喺指定零售點單次購買Häagen-Dazs™產品滿HK$150或以上，憑有效收據登記，就有機會贏取豐富獎品：雙人香港來回法國巴黎機票、雙人香港來回西班牙馬德里機票！、Marshall Willen II 藍牙便攜喇叭 Sudio T3 真無線藍牙耳機等等。購買指定新產品（包括意大利芝士蛋糕雪糕、牛奶拖肥肉桂條雪糕、馬卡龍雪糕多種規格等）或於指定日期到指定商戶購買，仲可以獲得額外抽獎機會，大大提高中獎機率，係咪夠晒吸引呢？

常見問題

香港有咩新酒吧推介？

Häagen-Dazs™聯乘嘅COA、KINSMAN同THE OPPOSITES都係香港頂尖酒吧，絕對值得一試！

Häagen-Dazs™有咩新口味？

今次推出咗意大利芝士蛋糕雪糕同牛奶拖肥肉桂條雪糕，仲有人氣回歸嘅士多啤梨紅桑子馬卡龍雪糕同雙重朱古力馬卡龍雪糕。

中環有咩特色飲品？

中環呢三間酒吧嘅聯乘雞尾酒都各有特色，無論係濃郁嘅歐式風味定係結合港式元素嘅，都非常值得品嚐。

Häagen-Dazs™ x 星級酒吧聯乘：活動詳情

活動推廣期：2025年6月10日至7月5日
參與酒吧：

• COA (@coahongkong)

• 地址：香港中環善慶街6至10號華善樓地下A舖

  • 營業時間：18:00 – 00:00 (星期二至日)
    

• KINSMAN •建民號 (@kinsman.hk)

• 地址：香港中環蘇豪卑利街65號地舖

  • 營業時間：18:00 – 01:00 (星期一至四) ；18:00 – 02:00(星期五及六)
    

• THE OPPOSITES (@theoppositeshk)

• 地址：香港中環荷李活道49號鴻豐商業中心LG樓

  • 營業時間：17:00 – 01:00 (星期一至四)；17:00 – 02:00(星期五及六)

文字：香港人遊香港