陳卓賢今年最後一部曲《玩偶奇遇記》　道出為愛甘願付出　寫下痛心結局

Ian剛剛推出今年最後一部曲《玩偶奇遇記》，道出為愛甘願付出所有之苦，替故事寫下痛心結局。

「每一天也似被困 扭曲軀殼強裝興奮 塗上護罩 像個小丑 卸不清心裡悲憂」

當愛上一個時，明知機會渺茫，甚至只有一絲可能，仍然會不顧一切地追求。縱然每日心亂如麻，情緒不斷被牽動，輾轉難眠，但每次質疑自己之際，總會被感性蓋過理智，繼續走依條睇唔到未來嘅情路。

內心翻滾之際，喺愛人面前卻要裝作無恙，那怕放下自我，都會用盡力討好奉旨，滿足所有要求。無止境嘅等待同犧牲，只求搏得對方一點歡心，愛情就係會令人變得盲目。

「虔誠地討好 討厭的都會改 被你任意撕開 去灌溉這種愛」

可惜奇遇記從來沒有發生，童話亦不過係一個虛構故事。回到現實，終要面對一切不過係空想，喺對方眼中你同玩偶無異，任人擺布，投入多少依然徒勞無功。

「唔夠好」從來只係藉口，歸根究底就係唔愛。

「只可遠遠祝福你 盼望有天 相擁到終老 你快樂吧 仍有笑臉吧」

被愛人玩弄的確難已接受，但愛意又邊有可能一下子消失，心中仍然深愛對方，唯有隔空祝福佢幸福快樂，默默送上最後一份愛。

「多麼天真 相信依靠幻覺的愛未朽 無人可保證這段劇情 延續萬年尚有」

《玩偶奇遇記》演繹充滿感情，先平淡溫柔地引入，再一步步將悲傷鑽入你心。而MV終於揭曉五部曲故事主角係隻熊仔，一直在旁見證一段愛情嘅高低起跌，心酸至極。

Ian今年嘅作品相當出色，由甜蜜快樂一步步走入孤獨崩潰，每首風格不同但同樣襟聽。不得不佩服佢不斷創作依然保持質素，仲一直有突破，作為樂迷真係非常幸福，每次都會好期待佢嘅新作。感謝陳仔今年再次以作品為大家抒發情緒。

「而我未死心 太罕有」

即使知道自己係隻玩偶，你又會唔會堅持到底去追尋所愛？

《玩偶奇遇記》Ian 陳卓賢
曲: Ian陳卓賢
詞: Ian陳卓賢
編: Ariel Lai
監: 陳考威

「原諒我太懦弱
不配相信地老天荒的美好
也害怕不知等到哪日
才被你所看到
為何即使我努力奉承
卻一樣未夠好
只可遠遠祝福你 盼望有天
相擁到終老
你快樂吧 仍有笑臉吧」

▼Follow hkpopculturelover
Instagram: https://www.instagram.com/hkpopculturelover/