馬拉松與人：家駒 香港馬拉松

11月比完70.3炒車後，左腳hamstring有一個位一直唔識好，長期脹痛，返港之後接住落做港珠澳21k pacer、部門10k隊際賽，再入programme練渣馬，完全冇俾對腳休息過，而嗰個位一直都反反覆覆冇好過。到12月初，一次練習意外拉一拉，嗰個位置就開始劇痛，而且係每次摺腳都會痛。照完超聲波確定其中一條hamstring撕裂咗。當時物理治療師叫我放棄跑渣馬，佢表示距離比賽只淨低個半月，而我最少四星期後我先可以慢慢跑返，就算好得切都唔會練得切。

頓時晴天霹靂，因為我覺得自己體能狀態差唔多到達運動生涯巔峰，想知自己可以挑戰到咩時間。如果再等一年，年紀大咗再加上未必有今年嘅狀態，好可能只可以keep到唔退步。當時我好傷心咁將結果通知我主診物理治療師 @alvin3zio 同訓練伙伴 @zeroling930。佢哋都叫我上去fitzio睇吓先，Alvin做完一系列測試後同我講情況唔係我想像咁差。

肌肉撕裂係鐵一般事實，休息亦係令佢復原唯一方法。但呢幾星期要做啲咩好關鍵，佢唔認同全休息嘅做法。佢建議係頭一兩星期可以做其他冇受傷肌肉嘅肌力訓練，如果之後腳開始唔痛可以超慢跑，但一痛即停，心肺方面可以用游水單車keep，另外仲叫我得閒就隨時上嚟，可以免費用佢啲儀器幫我加速恢復。佢預計三星期後我已經可以恢復慢jog，如果我底子好應該唔會跌太多。

呢幾星期極考驗忍耐力，要你暫停做一樣你每日都會做嘅嘢，就好似小岡比雲古師父叫佢唔好用念一樣。每日我都好想跑，每次見到跑友出post跑長課、終極長課、終極最後長課都好想去join。但係我知道稍一不慎就會功虧一簣，只好繼續忍耐養傷。呢幾星期我每日都坐係gym房，練習咗好多以前完唔會練嘅肌肉，同時跑少咗，要用16/8控制體重。

到23/12復操第一課，一切如Alvin所料，我可以陪試當真無痛跑到一課10k，開始覺得有返少少曙光。但一波未平，Kingsley幾日後就離開咗，搞到我哋完全冇哂心機去操練。但與其係屋企睹物思狗，不如去出身汗，所以後來安頓好佢身後事之後，反而跑多咗。最終雖然跑得返，但跟據Alvin指引，一定唔可以跑啲I同R配速，唔係盞會再撕裂過。所以到賽前只練咗一課LSD同一課18k TPace。

上線前一刻都冇信心以Sub3配速跑得完，同身邊萬金朋友講我會盡力跟，最終好好彩keep到返終點仲小PB咗1分鐘，感覺再比上年輕鬆咗。結果超乎預期，不禁令我對訓練方法產生一啲新睇法，有機會再分享一下。

賽後睇老婆 @leungmandi 衝終點，佢PB咗5分鐘，就嚟可以跑到接近男仔嘅時間，唔受傷就會愈來愈勁。叻！黃總雙手奉上萬金以茲鼓勵！🖤🤍

冇Alvin同Zero俾訓練意見，絕對唔會跑到呢一槍，就算得都會係慢慢跑。頂級治療師同教練會因應運動員狀況俾到最合適建議，今次真係深深感受到佢哋同坊間好多人嘅分別。

另外，師父 @leanne_szeto 勁，全港第二，恭喜，又輪到我再追趕你個時間。

P.S. 跑緊諗下 Kingsley🖤🤍 @giantblackhungrydog，好快就到西隧口…

Please follow Insports Hub on Facebook & Instagram
https://insports-hub.com/
FB
https://www.facebook.com/insportshub
IG
https://www.instagram.com/insportshub/