米芝蓮一星百名店！東京和牛壽喜燒｜今福

話說旅行搵餐廳有個方法，唔係介紹緊啲咩旅遊網站，而係有次真係試過，係街邊問咗位婆婆，佢呢世人食過最好食嘅餐廳係邊間，然後好似牧童遙指杏花村咁，得到咗一個好完滿嘅答案，但當然唔係咁橋指片中呢間啦。

而如果你地平時做資料搜集，係就咁上網search嘅話，一搵東京壽喜燒推介，都一定會見到呢間。幾乎每個網站都會介紹，被稱為最強壽喜燒之一，連續8年米芝蓮一星，Tabelog超高分百名店，路過問阿婆都知係好食果種。

-
🥩壽喜燒極上牛腰肉Set (訂座網95折後¥15675)
1️⃣用上最頂級嘅日本和牛，而部位係和牛西冷，跟埋前菜(海膽茶碗蒸)、秘製蛋漿、日本米飯、蔬菜拼盤(唔同蔬菜菇菌、豆腐、芋絲)、湯、漬物、甜品。

2️⃣全程都係由師傅製作，做齊關東風同關西風兩種食法，即係煎煮同涮煮嘅分別，可能好多網友都知，唔知嘅話去試下就知了，可以試哂兩種唔同風味。

3️⃣和牛都係精挑細選過，油花同紋理無可挑剔，油脂同肉香非常平衡，唔會怕肥到成口油果種，仲有個招牌就係蛋漿，秘製做成泡沫，第到食唔到。

🚦收藏行程：白金高輪呢頭係啲高尚住宅區，其實都好方便，而好多朋友旅行都鍾意住品川，咁黎呢到就非常近，沿路仲有啲西洋古建築打卡位。

-
今福
🗺️Platinum 1-12-19 Minato Ward Tokyo
🌐訂座網站：https://tinyurl.com/4v94zvuy
❇️留意本身係冇得walk in，比較過價錢，搵埋95折code，應該係全世界最平，而且訂位唔洗手續費。
➡️七月95折優惠碼：cpa3fcg （可訂3個月內)

▼Follow foodiegogoooo
Instagram: https://www.instagram.com/foodiegogoooo/