香港美食：【全港首間SHO-CHAN 主題CAFE正式開幕！超過50款主題餐點＋必試搞怪造型雞扒漢堡＋限定週邊】

香港美食｜全港首間SHO-CHAN主題CAFE正式開幕！

各位燦子粉絲準備好尖叫未？嚟自日本嘅人氣貼圖角色SHO-CHAN燦子，依家佢又有新搞作啦！今次破天荒以全新獨家廚師及女僕造型現身香港，開設全港第一間SHO CHAN主題café！呢間café嘅誠意十足，推出超過50款主題餐點， 主食款式多達25款，由丼飯、意粉、PIZZA到漢堡應有盡有，全部都擺盤精美又搞怪，打卡一流！最正嘅係買主題餐可以獲得限定隱藏版贈品，唔同餐飲仲會送唔同精品，例如木盤、匙扣、碗等實用又可愛嘅周邊，等你食嘢嘅同時都可以拎走限定精品！除咗打卡食嘢，門口特設一個超靚打卡位，等你同女僕造型嘅燦子合照留念。 店內仲有售賣SHO-CHAN燦子多款 SHO-CHAN 燦子獨家限定產品，包括 公仔、盲盒、T恤、家品小物 等，每一件都咁吸引。快啲Tag埋你班朋友仔一齊去，唔好錯過呢個期間限定嘅可愛體驗啦！

▲ 店內隨處可見燦子嘅裝飾，無論係桌面、牆壁甚至角落細節位，都充滿住燦子嘅可愛元素。

▲ 雞扒漢堡配薯條($99) ：軟嫩多汁嘅雞扒加埋酥脆薯條，滋味滿分。

▲ 日式 漢堡 扒咖喱飯($139) ：咖喱香氣濃郁，配上 漢堡 扒，口感層次豐富。

▲ 小琪唐揚炸雞明太子忌廉芝士蛋飯 ($129) ： 造型粉紅色，明太子同芝士完美結合，濃郁忌廉蛋飯香滑無比。

▲ 燦子吉列豬扒咖喱飯 ($129) ：選用厚切豬扒，外層炸至金黃酥脆，配埋濃郁咖喱汁，香味撲鼻。

▲ 和風牛肉丼飯 ($139) ：搭配日式醬汁同白飯，鹹香開胃。

▲ 草莓法式多士 ($109) ：法式多士香脆鬆軟，配搭鮮甜士多啤梨同忌廉，甜而不膩。

▲ 黑糖珍珠疏乎厘班戟 ($109) ： 鬆軟梳乎厘班戟，加上香甜黑糖珍珠，好適合打卡。

▲ 藍金桔益力多 ($69)：酸甜清新嘅金桔搭配益力多。

▲ 店門口設有周邊櫃台，出售多款燦子限定產品，包括 公仔、襪子、T恤 等，粉絲必定忍唔住掃貨！

▲ 門口仲設有抽卡機，$50就可以抽到6張閃卡，粉絲千祈唔好錯過！

SHO CHAN 主題café – 山下菓子

地址： 旺角彌敦道700號T.O.P商場3樓314-315號舖
日期： 即日起至5月30日
營業時間：12:30-21:00

文字：香港人遊香港