李蘊醫美後全面優化　意外撞樣李佳芯

藝人李蘊（Renee）離婚後事業重新出發，日前為醫美中心擔任代言人拍攝全新廣告，穿上露背裝的她做「影後」，大晒白滑背部，更回眸一笑百媚生，不過有網民就指她跟李佳芯撞樣。她接受訪問時表示：「哈哈哈，其實之前都人咁講，佢好靚，太抬舉我啦，（咁你覺得似唔似？）我覺得最似係大家都姓李囉，不過我同佢合作過拍劇集，佢做我老師，都10幾年嘅事，可惜冇影合照。」

至於為醫美拍廣告，坦言首次接受療程：「主要係補充番啲膠原同埋做瘦面療程，都有打針，但我唔會太膠樣， 每個療程Keep到嘅時間都唔同，但一定唔可以沉迷，要聽醫生話，仲要搵有信任嘅醫生同埋正牌嘅公司先得。」她又指過程中沒有想像般恐怖，自感生完小朋友後，除身形有變，骨膠原亦相繼流失，現有機會接拍醫美廣告覺得是一舉兩得，除可賺酬勞外，又可以重回未生小朋友的最佳狀態，她想嘗試袪肚皮妊娠紋療程，因為望期待再拍泳裝寫真集。

東網網站 : https://on.cc/東網Facebook專頁 : https://www.facebook.com/onccnews/