姜濤個唱阿媽捧場　姜糖叫「奶奶」姜媽興奮派心飛吻

男團MIRROR人氣王姜濤假亞博舉行的9場《KEUNG TO "LAVA" LIVE 2025》演唱會昨晚（19日）來到第3場，姜濤父母亦有捧場，當中姜媽媽一身桃紅服飾Sharp省到場，全場「姜糖」起哄高呼「奶奶」，她開心揮手回應，又不時派心及飛吻。演出期間，姜爸媽投入地起身，姜濤多次叫他們坐低，又搞笑說：「唔攰㗎咩？」他一度怕醜得唱不下去，笑說：「其實我表演嘅時候唔敢望住阿媽，有啲尷尬。」其後他深情剖白，表示近半年經歷過很多一個人喊及無助的時候：「好感恩嗰個時候我嘅靈魂選擇咗一條路，係可以令自己變得愈來愈好，我依家都繼續堅持緊……我一定可以成為一個Better Man。」 姜媽媽望着他欣慰微笑。

而繼辣身舞引發「亞博地震」後，全晚第二次「地震」來自表演嘉賓、曾與他合作舉行音樂會的林家謙，兩人合唱《四月物語》及《有一種傳說》。姜濤指入行後第一首歌其實是林家謙的作品，林家謙即取笑是「童年陰影」，姜濤笑說：「其實都幾㗎……嗰陣時係咁畀你捉啲咬字，我就諗，原來錄音咁辛苦㗎！」林家謙抵死說：「我爭啲抹殺咗你之後嘅星途。」又不准姜濤叫他「老師」，姜濤隨即改口叫「林家謙同學」。離開前，林家謙驚喜表示要送禮：「金牛座好硬頸，同埋你呢排好倔強，驚你條頸有事，所以現場幫你鍊一下。」隨即幫他按摩了一下，姜濤爆笑說：「真係一下咋喎！」事後林家謙分享後台合照，搞笑說：「昨晚Kam能量to the max，希望畀到一下能量姜濤for餘下Good Showsss，4年後見。」

另外，是次演唱會是以水及火作為主題，因顧慮大埔宏福苑火災而作出不少改動，包括海報、周邊產品、舞台、效果、歌詞及服裝等，無奈首場演出後，姜濤的服飾遭網民狠批，監製莊少榮在社交網代為解畫：「慘劇發生後的第二日早上，我就接到姜的電話：我要將整個Show減去火的元素。」本來所有服裝都有火的元素，其中一套更是服裝大師Robert Wun為姜濤重新設計的作品：「當姜見到製成品，縱使這服裝價值30萬，姜都說：「我唔想着。這就是姜濤。」他指姜濤不想在別人傷口上灑鹽，又揚言沒有後悔：「因為這是良心問題。」

東網網站 : https://on.cc/東網Facebook專頁 : https://www.facebook.com/onccnews/