梅斯亞拿：希望在2025年復出 並成為更強大的球員

💬拜仁🇩🇪中埸梅斯亞拿最近接受體育圖片報訪問：

1️⃣講到恢復情況

「我隻腳恢復得唔好，我已經唔需要用拐杖，但我唔想太過心急，我會俾自己足夠時間。其實一開頭過得真係唔容易。如果我成日都燥底，對情況都無咩幫助。我依家想專注其他事情，做返平時無咩時間做嘅嘢。我覺得咁樣當重返球場之前，時間就會過得快啲😉。」
2️⃣講到復出時間

「康復過程無辦法好精準預測，因為有時候所有野都會好順利，有時候又會有幾日停滯不前。我唔想設定具體日期，但根據依家情況發展，我希望2025年為拜仁踢正式比賽。當我重返球場嗰陣，我就要做好準備💪🏻。」
3️⃣講到一班隊友支持

「我同戴維斯關係最好，而佢因為十字韌帶問題受傷，所以我哋成日一齊進行康復訓練，我相信我哋好返就可以係球場上訓練，我哋應該會差唔多時間復出。我同奧利斯都好老友架，我哋幾乎每日都會傾計。不過，成個球隊都支持我，令我感覺唔錯🙂。」
4️⃣講到著拜仁10號波衫

「著拜仁10號波衫一直都係我嘅夢想，但係由42號轉著10號，我都諗咗好耐，去到今日我都仲未習慣呢個身份，不過嚟緊可以用新號碼展開全新篇章。而我係國家隊都係著10號波衫，我都踢得幾開心。我覺得著10號波衫可以為我帶嚟額外動力，我知道好多傳奇球員都著過呢個號碼，我相信嚟緊會有更大壓力，但我願意接受呢個挑戰同責任😎」

▼Follow足球仁
Instagram: https://www.instagram.com/football_yern/