蔡卓妍幫曾樂彤搞婚前派對　「我真係一個好幸運嘅人」

曾經是英皇歌手，近年作獨立發展的曾樂彤，前年公開認愛與MIRROR御用音樂監製徐浩（Terry）拍拖，而在去年5月31日，更在IG宣布婚訊，立即獲不少圈中好友送上祝福。據知曾樂彤的婚禮將於下周舉行，而進入倒數階段，好友蔡卓妍（阿Sa）更悉心安排，於日前舉行婚前派對，並以睡衣做主題，場面非常熱鬧。

曾樂彤在帖文中，貼上多張派對盛況，她亦懷著感恩之心向所有朋友道謝。「由細到大從來無舉辦過屬於自己嘅Party，多謝我嘅好姊妹 @choisaaaa （編按︰蔡卓妍）以Bridal Shower嘅名義，去將所有我愛同愛我嘅人放埋一齊，仲要多謝我嘅姐妹團（辛苦你哋了）同其他出席嘅姐妹們。」

準新娘更以「我真係一個好幸運嘅人」來形容自己在成長路上，遇上不少錫自己的朋友，而在派對上一聚，很多一同經歷的回憶逐一浮現在腦海中。「無論係識咗好耐定係依幾年先認識嘅你哋，都係我心目中好重要嘅人類，繼續一起走下去吧朋友們。」而在留言中，阿Sa就笑指︰「其實我自己都想玩」，前經理人Mani就祝一對新人「白頭到老，永結同心。」