【教養】小四女無心向學 媽媽教到嘔 過來人教軟硬2招 有效又不傷親子關係
子女無心向學、功課教極唔識，是不少家長的共同夢魘。面對不堪入目的成績，迫得太緊又擔心孩子做傻事。本地一位媽媽正面對這個困境，感到心力交瘁，於是上網求助。帖文引發了大量「同款仔女」家長留言，指出有兩招不但有效用，且不傷親子關係。
Photo from MamiDaily
教到嘔兼傷感情
這位家長在FB專頁「全港・升中一家長互助群組」求助，她發現讀小四的女兒無心向學，「迫佢讀書又怕佢壓力大做傻事，唔迫佢成績就不堪入目」。事主親力親為，督促女兒的功課，有時放工回到家時，發現她沒有做功課，女兒一句「乜都唔識」推搪，情況屢見不鮮。心力交瘁的事主不禁說：「心好累、都唔知幾時開竅。教數學教到嘔，請問有讀書方法令佢會讀得容易啲？求教。」
帖文出現後，不少網民指家有「同款仔女」，「你講緊嘅同我發生緊嘅一樣，我以為我哋係同一個女」、「家有同款，仲要駁嘴駁舌」、「心力交瘁完全明白」，可見這種育兒無力感，讓家長陷入焦慮。一方面擔心子女的未來，另一方面又因教功課而每日上演「困獸鬥」，親子關係瀕臨破裂。
Photo from MamiDaily
2招解決問題
為了解決子女無心向學及拯救親子關係，過來人教授了一軟一硬兩大招。「軟」招是用「讚美」取代怪責，當孩子讀極都被鬧、永遠達不到媽媽要求，自然會失去所有學習動力。家長分享：「讚下小朋友，有效」、「盡量搵可以讚佢嘅地方讚佢，『嘩你咁好嘅，肯嘗試』，『嘩，你呢個五字寫得好靚呀』….俾佢知你會欣賞佢，可以提高佢嘅動力」。
「硬」招最多人推介，簡單而言就是「外判」，把孩子送去補習，功課輔導班或找私補老師亦可。一來補習不會傷害親子關係，二來效果甚佳。有媽媽分享，自己教K2兒子數1至20教了兩個月都失敗，補習老師一小時就教會1至50。這證明專業的功課輔導班或私補老師，有其獨特的教學方法，能更有效率地處理功課，避免家長因勞氣而破壞關係。而且補習後，成績有明顯改善，「我屋企兩個一直補習miss教，唔係話好積極，起碼都有認真，我自己都唔駛咁煩」。
Photo from MamiDaily
從簡單練習中重獲成功感
此外，有網民指出「讀書非一朝一夕」，小四成績不佳，很可能是小一至小三的底子不夠紮實。事主應嘗試找出孩子的弱點，甚至退回小二、小三程度的練習，讓女兒從簡單的練習中重獲「做得到」的成功感，才能重拾學習興趣。最重要一點是不要跟其他人比較，「不要同人比，你搵啲成績高同佢比，佢都可以搵啲成績低嘅同你講。有進步就算1分都要讚」。
同時勸事主接受現實，去到高小，其實已大概看得出子女是否「讀書材料」。家長應學習接受，發掘孩子在讀書以外的技能。「諗下當初出生，只要小朋健康長大，初心係咩？」
Text：Mami Editorial
Source：全港・升中一家長互助群組