太平山頂女遊客電話跌山坡報警網民質疑浪費警力

社交平台近日瘋傳一段影片，一名操普通話的女子與男伴在太平山頂遊覽期間，不慎將iPhone掉落山坡，遂報警求助。3名警員到場，其中一人利用欄杆輔助，冒險從步道爬下拾回手機。事後女子與男伴不斷道謝，有警員則要求他們將經過上載至小紅書並「讚」協助的警員。

影片中可見，留在步道的警員多次提醒涉事二人，不應因手機掉落而報警，強調「我哋唔會搵條命同你博㗎」、「警察都係人，都係打份工」，認為這類情況並非警務人員責任。另一名警員亦指，「你咁後生都唔落去，要我哋呢啲老嘢落去？」。

影片曝光後引起網民熱議。有意見認為警員熱心協助，值得肯定；但更多聲音質疑報警者濫用公共資源，「如果部手機跌落海，係咪又要出動蛙人幫手？」、「咁樣會唔會開咗個頭，以後人人手機跌咗都打999？」