「夜粥小組」11月再開騷Dum爆舞台：宇宙聽到大家願望

MIRROR「夜粥小組」楊樂文（Lokman）﹑江𤒹生（AK）﹑王智德（Alton）及陳瑞輝（Frankie）今年6月首場演出以街舞文化為核心，全晚跳唱，演繹《FING!》及《DUM!》等小組作品，並重新詮釋多首樂壇經典，如《男子組》、《昨遲人》、《取消資格》等，舞台魅力與體能極限挑戰贏盡口碑。演出尾聲以《Easy》與《大丈夫》將氣氛推至高峰，4子真情流露，台上台下淚水與汗水交織，成為樂迷心中的難忘時刻。

「夜粥小組」強勢宣布回歸舞台，將於11月5日假亞洲國際博覽館10號展館舉行《 Manifest | W.T.F.2 Live 2025》，票價：$1,180 /$980/$680！4子承諾以更強能量、更爆舞台，與樂迷再續「WE TOGETHER FOREVER」之約，徹底燃燒亞博館！

縱然完騷將近3個月，4子仍記憶猶新，Lokman坦言：「排W.T.F呢個Show真係好辛苦，不過辛苦完之後嘅感動，令我哋都想排多次！」AK興奮表示：「多謝3位兄弟！我玩得好開心，不如我哋排多一次？」Frankie激情喊話：「玩一次點會夠？我覺得可以玩多次囉！仲要係充滿回憶嘅亞博Hall 10！」Alton感性分享：「雖然有時開完會都冇答案，但路行行下，Part 2就嚟啦！」

4子異口同聲表示「宇宙真係聽到大家的願望」！今次演唱會會玩得更大、跳得更狠，說：「唔理你上次有冇入嚟睇，今次都一定要一齊入嚟瘋狂跳一晚！」

（即時娛樂）