曾比特生日自貼爆肌相　爆炸頭大縮水加盟英皇

今日（11月7日）是曾比特（Mike）的32歲生日，他於凌晨在社交平台貼出麒麟臂＋結實腹肌相，寫道：「Hello, 32 — new chapter, new fire.」，趁生日宣佈正式加盟英皇娛樂。於《全民造星II》出身的Mike一直以爆炸頭為標誌，但今次貼出的騷肌照中，似乎為貫徹型男造型，爆炸頭大縮水。原來Mike為操出一身結實肌肉，每個星期做足6日Gym，無論當日工作與否，都風雨不改每次做足兩個鐘，展現新開始的決心。

近月一直有傳Mike已約滿環球唱片，「英皇金牌經理人」霍汶希（Mani）亦早已將Mike與同公司的容祖兒和鄧小巧一起宣傳。曾比特官宣加盟英皇娛樂後，表示最想跟老闆楊受成合作出歌：「平時都係聽老闆演講，但係甚少聽佢唱歌，所以我希望今次入到嚟可以令老闆開金口。」Mike表示，終極期望跟公每位都合作一次，出碟則是短期目標，「當然要focus音樂同唱歌，同埋喺香港做返多啲show。」他又強調：「我覺得我係Live型歌手，一直好想透過Live同大家近距離接觸，將我嘅音樂上嘅能量傳遞俾大家。」

至於何時推出新歌，Mike表示慢工出細貨：「想俾大家見到唔一樣嘅曾比特，所以喺揀歌上花咗唔少時間，同A&R開咗好多會，希望呈現到一個最好嘅效果俾大家。不過都會應承大家加快速度！」至於開show，Mike直言有計劃，但現階段歌曲數量不足，「大家俾少少時間我，先用唔同嘅新歌去轟炸大家，等所有嘢準備好就會同大家開一個盛大嘅party。」他笑言已經問定老闆、英皇集團主席楊受成，「我已經事先問定老闆，老闆叫我去啟德唱，希望唔係啟德地鐵站，哈哈。」