傳多間球會入意簽入拜仁中場柏連拿

🚨根據圖片報記者Christian Falk消息，拜仁需要透過賣走球員收返部分資金先至可以簽入翼鋒路易斯迪亞斯同前鋒季禾特馬迪，而祖奧柏連拿就係其中一位球員有機會被賣走。消息指世冠盃之前，英超球隊阿仙奴曾經嘗試簽柏連拿，並且同柏連拿進行接觸，不過雙方最後未能達成協議，因為柏連拿希望留喺拜仁😶

💥消息又指國際米蘭都對柏連拿有興趣，而英格蘭、意大利、西班牙、土耳其同葡萄牙球隊都希望簽入柏連拿，不過可能要收到一份吸引力報價先至可以吸引柏連拿加盟。如果收到2600萬英鎊轉會報價，拜仁願意賣走呢位葡萄牙🇵🇹球員😉

💬柏連拿接受葡萄牙傳媒Sport TV就話「我同拜仁仲有3年合約，所以我會係7月29號返到拜仁報到。我唔知道嚟緊會發生什咩事，但我依家效力緊一間好正嘅球隊。當然，今年唔係輕鬆嘅一年，但我仍然好有動力，我會係新球季證明我嘅價值😎。」